Acts 27:17 - Sa Ugud Apudyus

¹⁷ Nagangput ḵade nisap-aḻ da bangka, tinaḵodda bapur atte daḵoḻe tali ta adi maposyang da tablana. Indoḻada bos layab te maḵimutda'ḵ misagud bapur atta gummamung-uḻe gallis ad Syrtis. Yaḵon iwwaḻ-ongdae sa bibbid angipaoy atte bapur nu dinu angipaoyana.

Acts 27:17 ပူးပေါင်းရင်းမြစ်များ

Acts 27:16

Nangoy ḵani'tte sabali ye maoye matalingdane biiḵ ni ban-oge ili si gawan ni baybaye ngannonda Cauda, insap-aḻni da bangkae binutbut ni bapur te natalingdan ḵani'ḵ aḵit yaḵon dodae nampaḵaḻam ḵani.

Acts 27:26

Yaḵon ḵasapuḻane misagud bapur si osae ili si gawan ni baybay.”

Acts 27:29

Maḵimutda nu maag ay mitupaḵ bapur atte batbatu. Pun inuyudda opate angkla si ubotan ni bapur ta guminoḵ ya illuwaḻuda ta pumadda.

Acts 27:40

Ḵingwada ḵad, ginsatda da tali ye nitaḵodan da angkla ta matenanda si baybay woḵ inuḵasanda tali ye nitaḵodan ni tablae angipaoy si bapur. Ḵad impangatuda layab atte sangun ni bapur ta ipaoy ni bibbid si taḻantag.

Acts 27:41

Yaḵon nitupaḵ bapur si gummamung-uḻe gallis woḵ misagud sanguna pun adipun ogon maḵagidu. Sa ubotana ḵad, tinupatupaḵan ni tupiyaḵ woḵ naposyang.