Acts 26:29 - Sa Ugud Apudyus

²⁹ Ḵanan Paul, “Allasu man ḵan anḵamnut, Apu ari ya da losane andodongngoḻ ḵan saḵon sinsadi, ilulluwaḻuḵ ḵan Apudyus we amati ḵayu oḵyan losan ḵan Apu Jesus we isuḵe namati yaḵon adi ḵayu oḵyan miḵama ḵan saḵone baḻud.”

Acts 26:29 ပူးပေါင်းရင်းမြစ်များ

John 5:34

Adiḵpun ḵasapuḻane taḵdoḻan da tagu mipanggob ḵan saḵon yaḵon ipaspasmoḵḵu da imbagan John ya amati ḵayu oḵyan ta taguwon Apudyus diḵayu'tte dusan da basuḻyu.

Acts 12:6

Sa sadi ye labi si daan Herod angilawaan ḵan Peter ta maḵuwis, nasusuyop atte boot da duwae guwaḻdae naḵawadan imana si duwae ḵawad ḵan naguwaḻdaan atta suḻdadu si sawang ni babaḻḻudan.

Acts 21:33

Pun dinoḵmaan ni kumander aḵ Paul woḵ imbilinna'tta suḻdadu we ḵawadanda si duwae ḵawad. Naabus ḵad, ḵananae nan-imus, “Ngai annae tagu? Ngai ḵingwana?”

Acts 25:14

Inninggawda ḵad sidi si adu we aḻgaw, inug-uggud Festus ḵan Ari Agrippa mipanggob si ḵasus Paul. Ḵanana, “Awad de baḻud sinae tinenan Gobernor Felix.

Romans 10:1

Susunudḵu ḵan Kristu, isisimoḵḵu we alluwaḻu ḵan Apudyus para'tte mataguwan da ḵailiyaḵe Judyu.

1 Corinthians 4:8

Atoḵayu paye iCorinth! Ḵananyu ḵammane wadawad da ḵasapuḻanyu? Bummaḵnang ḵayu tuwa! Ḵad taḵon ay nu naidḵanipun, nambalin ḵayu'ḵ ari! Ambaḻu oḵyan nu tuttuwae nambalin ḵayu'ḵ ari ta midoga ḵani si ampangatanyu!

1 Corinthians 7:7

Te sa ḵatuttuwaan, pioḵ oḵyan nu isuyu saḵone ippun asawana. Yaḵon igammuḵe daḵampun aḵ an-iisu taḵu te nansabasabali ḵabooḻane innatod Apudyus si sin-ossae tagu.

2 Corinthians 11:1

Anggappiyaaḵ nu anusanyu oḵyan dongngon annae ibagaḵ ḵan diḵayu taḵon ay nu isuḵ nin nadongdong-ogan. Pun pagatupaḵe an-ugud.

Ephesians 6:20

Te imbuun Kristu saḵon aḵ angiyugud ḵan siya ta ipaigammuḵ Ambaḻu we Damag we siya gapunae naḵawadanaḵ sinsadi. Pun iluwaḻuwanaḵ ud ta tumuḻodaḵe angiyugud ḵan siya te siya ustu we ḵooḵ oḵyan.

Colossians 1:28

Iwaḻagawagni'ḵ Kristu atta losane tagu we usaronni losane laingni ye amagbaga ya angituttudu'tta losane tagu ta da pammatida ippun oḵyan kurangna'tte antotollong Apudyus yaḵon amo maangsanda'tte niyossaananda ḵan Kristu.