Acts 26:17 - Sa Ugud Apudyus

¹⁷ Saḻaḵnibaḵ siḵa'tta ḵailiyame Judyu ya da Gentil we angibuunaḵ ḵan siḵa.

Acts 26:17 ပူးပေါင်းရင်းမြစ်များ

Acts 13:50

Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida.

Acts 16:39

Pun ummoyda si babaḻḻudan woḵ nampakawanda ḵan dida. Pun illawada dida woḵ ḵindawdae tenanda sadi ye siyudad.

Acts 17:10

Lummabi ḵad, daguse pinaoyon da susunud ḵan Kristu da Paul ḵan Silas ad Berea. Dummatongda ḵad sidi, ummoyda si sinagogan da Judyu.

Acts 17:14

Pun daguse imbuun da susunud ḵan Kristu aḵ Paul si taḻantag ni baybay yaḵon natenan da Silas ḵan Timothy sidi.

Acts 18:10

te annaaḵ ḵan siḵa ya naippun aniwdiwat ḵan siḵa te adu da tagu'ḵ si annae siyudad.”

Acts 25:3

Nandagdaguda ḵan Festus we ipaulida'ḵ Paul ad Jerusalem te sa planuda umoyda bangabangon si daḻan ta gongatonda.

Acts 28:28

Pun pioḵe ipaigammu ḵan diḵayu we awad de imbuun Apudyus we umoy angibaga'tta Gentil si inon Apudyus we anagu'tta tagu ḵad andongoḻda.”

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

Romans 11:13

Sinsadi awad de ibagaḵ ḵan diḵayu we Gentil. Gapu ta dinutuḵan Apudyus saḵon aḵ an-apostolna'tta Gentil, ipatpatogḵu annae ḵewaaḻe nitaḻgod ḵan saḵon

Romans 15:16

ta anserbiyaḵ ḵan Jesu Kristu si antuttuduwaḵ atta Gentil. Anserbiyaḵe isun di padi atte angiwaḻagawagaḵ si Ambaḻu we Damag we naḻpu ḵan Apudyus ta ambalin da Gentil aḵ datune mas-oman Apudyus te intotoḵḵon ni Ispiritu Santu dida'ḵ taguna.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.

1 Timothy 2:7

Sana bos gapunae saḵon dinutuḵana'ḵ angiwaḻagawag atte Ambaḻu we Damag ḵan an-apostol ta iyyaḵ ituttudu'tta Gentil tuttuwae pammati. Tuttuwa da anna.

2 Timothy 1:11

Dinutuḵan Apudyus saḵon aḵ apostol ta iyyaḵ iwaḻagawag ḵan ituttudu annae Ambaḻu we Damag,

2 Timothy 3:11

Igammum os da losane naḵwa ḵan saḵon ad Antioch, Iconium ya ad Lystra we ummamdan nampaḵaḻamaḵ. Yaḵon sinaḻaḵnibanaḵ ḵan Apudyus.