Acts 25:8 - Sa Ugud Apudyus

⁸ Pun ḵanan Paul we nanaḵdoḻ si long-agna, “Ippun nilisalisḵu'ḵ lintog taḵu we Judyu baḵon nu dinadailḵu templo taḵu baḵon nu naḵabasuḻaḵ atte Emperor ad Rome.”

Acts 25:8 ပူးပေါင်းရင်းမြစ်များ

Acts 23:1

Pune sadi, immumusḵoḻ Paul da ḵuḵunsisaḻ woḵ ḵanana, “Susunudḵu we ganaḵ Israel, iniiggammun Apudyus we ampoḻḵas somsomoḵḵu mipanggob si inoḵe nanserbi ḵan siyae nilapu si awe inggana sinsanae aḻgaw.”

Acts 24:12

Sa inninggawaḵ sidi, naippun osa'tta Judyu aḵ nangila ḵan saḵone naḵasossongbat baḵon nu ginuluḵ da amode tagu'tte templo baḵon nu da sinagoga baḵon nu da siyudad.

Acts 24:14

Yaḵon awad de ibagaḵ ḵan siḵa. Sa unudoḵ sa tuttudun Jesus si andaydayawaḵ si Apudyus da danaḵḵoḻ taḵu ḵad ḵanandae tinutuli ye tuttudu. Yaḵon amatiyaḵ atta losane nigili ye lintog Moses ya da losane inggilin da profetan Apudyus si awe.

Acts 24:6

Ḵad pinadasna bos ḵaissawan templo'd Jerusalem yaḵon dinoḵmaanni.

Acts 25:10

Yaḵon ḵanan Paul, “Adiḵpun pion te annaaḵe tataḵdog si sinagungnu we ḵasapuḻane sina masumaḻyaaḵ. Siḵae mismu dinutuḵan Emperor aḵ anguwis atta tagu si annae probinsiya. Ḵad iniiggammume naippun ḵingwaḵ aḵ lawweng atta Judyu.

Acts 28:17

Naḻaḵpus ḵad tuḻun aḻgaw, impaayag Paul da papangat da Judyu we inggaw ad Rome. Nandatdatongda ḵad, ḵanana ḵan dida, “Susunudḵu we ganaḵ Israel, taḵon ay nu ippun ḵingwaḵ aḵ lawweng atta ḵailiyan taḵu baḵon nu nilisalisḵu'tta ugalin da danaḵḵoḻ taḵu yaḵon dinoḵmaanda saḵon ad Jerusalem woḵ impuḻangda saḵon atta iRome.

Acts 28:21

Pun ḵananda ḵan siya, “Ippun inawatni'ḵ suḻat aḵ naḻpu'tte probinsiya'd Judea si mipanggob ḵan siḵa. Taḵon ay os da susunude ganaḵ Israel we ummali sina, naippun os imbagada'ḵ ngaimane lawweng mipanggob ḵan siḵa.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.