Acts 23:35 - Sa Ugud Apudyus

³⁵ ḵanan ni gobernor, “Asiḵ siḵa sumaḻyaon nu umali da nangidaḻum ḵan siḵa.” Pun imbilinna'tta suḻdadunae maguwaḻdaan aḵ Paul si boḻoy Ari Herod.

Acts 23:35 ပူးပေါင်းရင်းမြစ်များ

Matthew 2:1

Aḵ Jesus ḵad niyanaḵ ad Bethlehem atte probinsiya'd Judea si nampangatan Ari Herod. Baag-en inninggaw da ummoy ad Jerusalem we naḻpu si dumingitan init. Nalaingdae angibaga'tta pion da bituwon ḵanan.

Matthew 2:16

Inigammun ḵad Ari Herod we siniḵapan da nalalainge tagu, amod de sangana. Pune sadi, imbilinnae magongat da losane abenge laḻaḵi ye duwan tawon ya da daampun aḵ anduwantawon ad Bethlehem ya da nampaliḵwose ili. Te nibatay si dingngoḻna'tta nalalainge nampail-an ni bituwon.

Matthew 2:3

Dingngoḻ ḵad Ari Herod sana, amoamod ḵimutna ya isuna bos atta losane iJerusalem.

Matthew 27:27

Naabus ḵad, innaḻan da suḻdadu'ḵ Jesus woḵ illonoḵda'tte boḻoy Gobernor Pilate, pun inaligummun da losane suḻdadu'ḵ Jesus.

John 18:28

Wiḵwiḵis ḵad, illawada'ḵ Jesus atte boḻoy Caiaphas woḵ inniyoyda'tte palas Gobernor Pilate. Yaḵon adipun nillumnoḵ da Judyu ta adida mibelang aḵ ḵaissaw yaḵon maḵaḵanda'tte Gayagayae ngannonda Nallausan.

Acts 23:30

Gapu ta inninggaw nangibaga ḵan saḵone nantutuḻagan da Judyu we gongatonda'ḵ Paul, daguse impaiyoyḵu ḵan siḵa. Imbilinḵu bos atta amabasuḻ ḵan siyae siḵa umoyda andaḻuman. Sana abus aḵ ibagaḵ.”

Acts 24:1

Naḻaḵpus ḵad liman aḻgaw, dummatong aḵ Ananias we sa ḵangatuwane padi ya da udume pallakayon da Judyu. Inninggaw os abugadu we buḻundae nangngadan aḵ Tertullus. Pun ummoyda losan si igaw Gobernor Felix ta idaḻumda'ḵ Paul ḵan siya.

Acts 24:10

Naabus ḵad, sininyasan Gobernor Felix aḵ Paul ta mipasani an-ugud woḵ ḵanan Paul, “Apu Gobernor, inigammuḵe adu we tawon nampangatam ḵan nanḵuwisam ḵan diḵani ye Judyu atte annae ili. Pun allaylayadaḵ te annaḵa si anaḵdoḻaḵ atta impabasuḻda ḵan saḵon.

Acts 24:19

Yaḵon da sadi ye naḻpu'd Asia, ḵasapuḻane dida umali sina andaḻum si sinagungnu nu awad ipabasuḻda ḵan saḵon.

Acts 24:22

Ḵad aḵ Gobernor Felix, adu inigammuna mipanggob atta angunud atta tuttudun Jesus, impaginoḵna ḵasus Paul woḵ ḵanana, “Nu dumatong aḵ kumander Lysias, saḵon asi ḵigad atte ḵasusnu.”

Acts 24:23

Pun binilinna kapitan ta paguwaḻdana'ḵ Paul yaḵon wayaanda oḵyan aḵ aḵit ya iyunuddae umoy da buḻbuḻunna angiyoy atta ḵasapuḻana.

Acts 25:16

Summongbataḵ ḵan dida woḵ ḵanaḵe daḵampun aḵ ugalini ye iRome ipuḻangni nidaḻume tagu nu daan masumaḻya. Ḵasapuḻane umuna sumangu'tta namabasuḻ ḵan siya ta awad inonae anaḵdoḻ atta ipabasuḻda ḵan siya.