Acts 23:18 - Sa Ugud Apudyus

¹⁸ Pun ummoy ni kapitan binuḻunan woḵ ḵanana si kumander, “Aḵ Paul we baḻud, inayagana saḵon woḵ ḵindawna ḵan saḵone buḻunaḵ annae babaḻu te awad de ibagana ḵan siḵa.”

Acts 23:18 ပူးပေါင်းရင်းမြစ်များ

Luke 7:40

Ḵanan Jesus, “Simon, anna ibagaḵ ḵan siḵa.” Ḵanan Simon, “Ngai sanat Mistulu?”

John 18:12

Pun da suḻdadu ya da kapitanda ya da guwaḻdan ni templon da Judyu dinoḵmaanda'ḵ Jesus woḵ binaḻudda da imana.

Acts 16:25

Anna ḵade gumawallabi, nalluluwaḻu ḵan nanḵanḵanta da Paul ḵan Silas we andaydayaw ḵan Apudyus. Pun nandodongngoḻ da buḻundae baḻud ḵan dida.

Acts 23:17

Pun inayagan Paul osae kapitan woḵ ḵanana ḵan siya, “Buḻunam ḵappos annae babaḻu we umoy atte kumander te awad de ibagana.”

Acts 23:19

Ḵiniwid ni kumander woḵ ummoyna intalin pun ḵananae nan-imus ḵan siya, “Ngai piom ibaga ḵan saḵon?”

Acts 27:1

Dummatong ḵad de aḻgawe allibbatanni ḵan Paul we umoy ad Italy, impuḻangda'ḵ Paul ya da udume baḻud ḵan Julius we osa'tta kapitan da Roman army ye ngannonda “Regiment ni Emperor.”

Acts 28:17

Naḻaḵpus ḵad tuḻun aḻgaw, impaayag Paul da papangat da Judyu we inggaw ad Rome. Nandatdatongda ḵad, ḵanana ḵan dida, “Susunudḵu we ganaḵ Israel, taḵon ay nu ippun ḵingwaḵ aḵ lawweng atta ḵailiyan taḵu baḵon nu nilisalisḵu'tta ugalin da danaḵḵoḻ taḵu yaḵon dinoḵmaanda saḵon ad Jerusalem woḵ impuḻangda saḵon atta iRome.

Ephesians 3:1

Gapu'tte sana, saḵon aḵ Paul we nambalin aḵ baḻud gapu si nanserbiyaḵ ḵan Jesu Kristu para ḵan diḵayu we Gentil, iluwaḻuwaḵ diḵayu.

Ephesians 4:1

Pun ḵan saḵone nibabaḻud gapu si anserbiyaḵ ḵan Apu, ḵodawoḵ ud ḵan diḵayu ta ibagayyu antataguyu si planun Apudyus we namili ḵan ditaḵu'ḵ taguna.

Philemon 1:9

Yaḵon gapu'tte ayat, andagdaguwaḵ ḵan siḵa. Ḵooḵ anna, taḵon ay nu saḵon aḵ Paul we maḻmaḻong-ag ḵan nibabaḻud os sinsana gapu ḵan Jesu Kristu.