Acts 22:30 - Sa Ugud Apudyus

³⁰ Mabigat ḵad, gapu ta pion ni kumander igammuwon ustu we ipabasuḻ da Judyu ḵan Paul, pinuḵayana woḵ binilinna da papangat da papadi ya da losane ḵuḵunsisaḻ ta ammimitingda. Pun inniyoyda'ḵ Paul si igaw da ammiting woḵ pinataḵdogna si sinagungda.

Acts 22:30 ပူးပေါင်းရင်းမြစ်များ

Matthew 10:17

Ḵad ummanyu bos te doḵmaanda ḵan idaḻum diḵayu'tta ḵuḵunsisaḻ ya ap-apliton diḵayu'tta sinagogada.

Matthew 27:2

Pun binaḻudda woḵ inniyoyda ḵan Gobernor Pilate.

Matthew 5:22

Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ. Isun os da ḵanandae, ‘Dong-ogḵa,’ inḵa si apuy ad infiernu.

Acts 21:11

Ummali ḵan diḵani woḵ innaḻana taḵyad Paul aḵ nanaḵodna'tta imana ḵan suḵina. Pun ḵanana, “Annaya imbagan ni Ispiritu Santu, ‘Ḵaḵna inon da Judyu'd Jerusalem we amaḻud atte sinḵuwa si annae taḵyad ya impuḻangda'tta Gentil.’ ”

Acts 21:33

Pun dinoḵmaan ni kumander aḵ Paul woḵ imbilinna'tta suḻdadu we ḵawadanda si duwae ḵawad. Naabus ḵad, ḵananae nan-imus, “Ngai annae tagu? Ngai ḵingwana?”

Acts 22:5

Ḵad maḵwae panoḵnoḵan ni ḵangatuwane padi ya da losane ḵuḵunsisaḻ we pallakayon da Judyu we tuttuwa sadi te didae mismu nangidagas ḵan saḵon atte suḻat ta iyoyḵu'tta susunud taḵu we iyIsrael ad Damascus. Pun ummoyaḵ sidi ta andoḵmaaḵ atta namati ḵan Jesus ya pusasaḵ dida ya iyoyḵu dida'd Jerusalem ta madusada.

Acts 23:1

Pune sadi, immumusḵoḻ Paul da ḵuḵunsisaḻ woḵ ḵanana, “Susunudḵu we ganaḵ Israel, iniiggammun Apudyus we ampoḻḵas somsomoḵḵu mipanggob si inoḵe nanserbi ḵan siyae nilapu si awe inggana sinsanae aḻgaw.”

Acts 23:15

Pun diḵayu ya da ḵuḵunsisaḻ, angibuun ḵayu'ḵ umoy angibaga si kumander ta idatongda'ḵ Paul sina ta sumaḻyaondae ustu mipanggob atte ḵasusna. Ḵad inḵani bangabangon si daḻan ta gongatonni si daanna dumaḵngan sina.”

Acts 23:20

Ḵanan ni babaḻu, “Da papangat ḵad da Judyu nantutuḻagandae ḵodawonda ḵan siḵae appigat iyoynu'ḵ Paul atta ḵuḵunsisaḻ ta usigondae ustu mipanggob atte ḵasusna.

Acts 23:28

Gapu ta pioḵ igammuwon nu ngai ipabasuḻda ḵan siya, inniyoyḵu'tta ḵuḵunsisaḻda.

Acts 23:6

Inigammun ḵad Paul we nanḵagwa da papangate Sadducee da udum ya da udum Phariseeda, indangsoḻna gingana'tta ḵuḵunsisaḻ woḵ ḵanana, “Susunudḵu we ganaḵ Israel, Phariseeyaḵ. Pharisee bos da danaḵḵoḻḵu. Pun namnamaoḵe umuli da natoy ḵad sana gapunae sumaḻyaonyu saḵon.”

Acts 26:29

Ḵanan Paul, “Allasu man ḵan anḵamnut, Apu ari ya da losane andodongngoḻ ḵan saḵon sinsadi, ilulluwaḻuḵ ḵan Apudyus we amati ḵayu oḵyan losan ḵan Apu Jesus we isuḵe namati yaḵon adi ḵayu oḵyan miḵama ḵan saḵone baḻud.”

Acts 5:21

Dingngoḻda ḵad sana, nillumnoḵda si templo atte wiḵwiḵis woḵ nantuttududa. Dummatong ḵad de ḵangatuwane padi ya da buḻunna, inayaganda da ḵuḵunsisaḻ ya da losane pallakayon ad Israel. Pun imbuunda da guwaḻdan ni templo ta umoyda aḻan da apostol atte babaḻḻudan.