Acts 22:14 - Sa Ugud Apudyus

¹⁴ Pun ḵanana, ‘Sa Apudyus da danaḵḵoḻ taḵu, pinilina siḵa ta igammuwom da piona ya ilam naun-unane Abengna we nanserbi ḵan siya ya dongngom gingana.

Acts 22:14 ပူးပေါင်းရင်းမြစ်များ

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

Acts 13:17

Sa Apudyus da ganaḵ Israel, pinilina da danaḵḵoḻ taḵu ta ambalinona dida'ḵ taguna. Sa inninggawda'd Egypt we daḵampun aḵ ilida, binindisyunana dida woḵ ummaduaduda. Gapu si ampigsae ḵabooḻana, illawana dida'd Egypt.

Acts 22:15

Te siḵa anaḵdoḻ ḵan siya'tta losane tagu mipanggob atta innilam ḵan dingngoḻnu.

Acts 22:18

Innilaḵ aḵ Apu we ḵananae nangibaga ḵan saḵon, ‘Ganasom! Tenam ad Jerusalem te da tagu sinat adidapun tuttuwaon ibagabagam mipanggob ḵan saḵon.’

Acts 24:14

Yaḵon awad de ibagaḵ ḵan siḵa. Sa unudoḵ sa tuttudun Jesus si andaydayawaḵ si Apudyus da danaḵḵoḻ taḵu ḵad ḵanandae tinutuli ye tuttudu. Yaḵon amatiyaḵ atta losane nigili ye lintog Moses ya da losane inggilin da profetan Apudyus si awe.

Acts 26:16

Yaḵon lumibbatḵa te sana panggobḵu we nampaila ḵan siḵa, dutuḵaḵ siḵa'ḵ anserbi ḵan saḵon. Ḵad taḵdoḻam da innilam mipanggob ḵan saḵon ya da asiḵ ipaila ḵan siḵa'tte umali ye aḻgaw.

Acts 5:30

Sa Apudyus da danaḵḵoḻ taḵu tinaguna'ḵ Jesus we gingngatyu si nangipattoḻanyu'tte kros.

Acts 7:52

Awad ḵamman profeta'ḵ adin da danaḵḵoḻ taḵu nampaḵaḻamon? Gingngatda da imbuun Apudyus si awe ye ummoy nangipaigammu si umaliyan ni naun-unane aḵ Jesus ya sinsadi intuyuḵyu ya gingngatyu.

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

Acts 9:17

Pun ummoy aḵ Ananias woḵ nillumnoḵ atte boḻoye inninggawan Saul. Pun impatayna da imana ḵan siya woḵ ḵanana, “Sunudḵu we Saul, aḵ Apu Jesus we nampaila ḵan siḵa si daḻan, siya nangibuun ḵan saḵon ta maḵailaḵa ya umoy ḵabooḻan ni Ispiritu Santu ḵan siḵa.”

Romans 1:1

Saḵon aḵ Paul we osa'tta sammilun Jesu Kristu. Pinilin Apudyus saḵon aḵ osa'tta apostolna ya dinutuḵana bos saḵon aḵ umoy angiwaḻagawag si Ambaḻu we Damag we naḻpu ḵan Apudyus.

1 Corinthians 11:23

Te inawatḵu ḵan Apu Jesus da losane intuttuduḵ ḵan diḵayu. Nanganda ḵad si labi ye nituyuḵana, innaḻana tinapay

1 Corinthians 15:3

Sa intuttuduḵ ḵan diḵayu, sadi amo ummunae ḵapatogane inigammuḵe natoy aḵ Kristu gapu'tta basuḻ taḵu we mibatay atte nigili ye Ugud Apudyus.

1 Corinthians 15:8

Anungusnapun, nampaila bos ḵan saḵon. Taḵon ay nu isuḵ uttinge nibuḵnage daampun yan aḻgawna.

1 Corinthians 9:1

Saḵon ḵad, daḵampun ḵamman aḵ nawayaaḵ? Daḵampun ḵamman aḵ osaaḵ atta apostol Jesu Kristu? Daḵampun ḵamman aḵ innilaḵe mismu'ḵ Jesus we Apu taḵu? Daḵampun ḵamman os aḵ diḵayu da bungan ni ḵewaaḻḵu ḵan Apu?

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Galatians 1:12

Te daḵampun aḵ tagu nangigammuwaḵ si annae Ambaḻu we Damag. Naippun os udum aḵ nangituttudu yaḵon aḵ Jesu Kristu we mismu nangipaigammu ḵan saḵon.

Galatians 1:15

Yaḵon aḵ Apudyus, sabali panggobna ḵan saḵon te ingallapuna dinutuḵan saḵon atte daanḵu miyanaḵan ḵad gapu si ḵinabaḻuna, pinilina saḵon aḵ anserbi ḵan siya.

2 Timothy 1:1

Saḵon aḵ Paul we apostol Jesu Kristu te siya pinion Apudyus. Imbuunna saḵon aḵ umoy angiwaḻagawag si biyage inkarin Apudyus ḵan ditaḵu we nidoga ḵan Jesu Kristu.

Titus 1:1

Saḵon aḵ Paul we dinutuḵan Apudyus aḵ anserbi ḵan siya ya osa'tta apostol Jesu Kristu. Imbuunaḵ aḵ umoy amapigsa'tta pammatin da tagu we pinilin Apudyus. Ipaigammuḵ os ḵatuttuwaane naḻpu ḵan siyae mituttuwa naapudyusane antataguda.

1 Peter 2:22

Adipun paat naḵabasuḻ ya ippun paat nantultulliyana.

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.