Acts 22:1 - Sa Ugud Apudyus

¹ Ḵanana, “Diḵayu we aammaḵ ḵan susunudḵu we ganaḵ Israel, dongngonyu songbatḵu ḵan diḵayu.”

Acts 22:1 ပူးပေါင်းရင်းမြစ်များ

Luke 12:11

“Ḵad nu iyoy diḵayu idaḻum atta sinagoga baḵon nu da papangat ya da awad da ḵaḻabbonganda, adi ḵayu ambinsaw atta isongbatyu ya da ibagayu.

Luke 21:14

Imuḻayu'tta somsomoḵyu ta adi ḵayu ambinsaw atta isongbatyu.

Acts 13:26

“Susunudḵu we ganaḵ Abraham ya diḵayu we Gentil we angisipog ḵan Apudyus, ditaḵu nangittan Apudyus si ugudnae mipanggob si anaguwana ḵan ditaḵu.

Acts 19:33

Gapu'tte sadi, imbuun da Judyu aḵ Alexander si sinagung da tagu ta ipaḵaawatna oḵyane daḵampun ḵan dida gapun ni gulu. Intayag Alexander imanae amaginoḵ atta tagu ta an-ugude taḵdoḻana,

Acts 23:1

Pune sadi, immumusḵoḻ Paul da ḵuḵunsisaḻ woḵ ḵanana, “Susunudḵu we ganaḵ Israel, iniiggammun Apudyus we ampoḻḵas somsomoḵḵu mipanggob si inoḵe nanserbi ḵan siyae nilapu si awe inggana sinsanae aḻgaw.”

Acts 23:6

Inigammun ḵad Paul we nanḵagwa da papangate Sadducee da udum ya da udum Phariseeda, indangsoḻna gingana'tta ḵuḵunsisaḻ woḵ ḵanana, “Susunudḵu we ganaḵ Israel, Phariseeyaḵ. Pharisee bos da danaḵḵoḻḵu. Pun namnamaoḵe umuli da natoy ḵad sana gapunae sumaḻyaonyu saḵon.”

Acts 24:10

Naabus ḵad, sininyasan Gobernor Felix aḵ Paul ta mipasani an-ugud woḵ ḵanan Paul, “Apu Gobernor, inigammuḵe adu we tawon nampangatam ḵan nanḵuwisam ḵan diḵani ye Judyu atte annae ili. Pun allaylayadaḵ te annaḵa si anaḵdoḻaḵ atta impabasuḻda ḵan saḵon.

Acts 25:16

Summongbataḵ ḵan dida woḵ ḵanaḵe daḵampun aḵ ugalini ye iRome ipuḻangni nidaḻume tagu nu daan masumaḻya. Ḵasapuḻane umuna sumangu'tta namabasuḻ ḵan siya ta awad inonae anaḵdoḻ atta ipabasuḻda ḵan siya.

Acts 25:8

Pun ḵanan Paul we nanaḵdoḻ si long-agna, “Ippun nilisalisḵu'ḵ lintog taḵu we Judyu baḵon nu dinadailḵu templo taḵu baḵon nu naḵabasuḻaḵ atte Emperor ad Rome.”

Acts 26:24

Sa nanaḵdoḻan Paul atte long-agna, napapḵaaw aḵ Festus woḵ ḵanana, “Natingangḵa Paul! Sa ummamdane inadaḻnu natingangam!”

Acts 28:17

Naḻaḵpus ḵad tuḻun aḻgaw, impaayag Paul da papangat da Judyu we inggaw ad Rome. Nandatdatongda ḵad, ḵanana ḵan dida, “Susunudḵu we ganaḵ Israel, taḵon ay nu ippun ḵingwaḵ aḵ lawweng atta ḵailiyan taḵu baḵon nu nilisalisḵu'tta ugalin da danaḵḵoḻ taḵu yaḵon dinoḵmaanda saḵon ad Jerusalem woḵ impuḻangda saḵon atta iRome.

Acts 7:2

Ḵanan Stephen, “Aamma ḵan susunude ganaḵ Israel, dongngonyu ud annae ibagaḵ. Sa awe, aḵ Apudyus we maḵabooḻ atta losan nampaila ḵan Abraham we daḵdaḵoḻ taḵu si inninggawana'd Mesopotamia si daanna ayan ad Haran,

Romans 2:15

Ḵad sa angwaanda'tta ustu, sadi angipailae nigili lintog atta pusuda. Ḵad taḵdoḻan ni somsomoḵdae tuttuwa sana te nu ḵoonda ambaḻu, igammun ni somsomoḵdae ambaḻu. Ḵad nu ḵoonda lawweng, igammun os ni somsomoḵdae lawweng.

1 Corinthians 9:3

Annaya songbatḵu'tta nanumaḻya ḵan saḵon.

2 Corinthians 12:19

Sa somsomoḵyu nin, ibagani da sana ta taḵdoḻanni da long-agni ḵan diḵayu. Yaḵon sa ḵatuttuwaan, abus aḵ ugudonni si sinagung Apudyus gapu ta niyossaan ḵani ḵan Kristu'tta piona ḵad da losane ḵoonni, ḵoonni susunud ta papigsaonni pammatiyu.

2 Corinthians 7:11

Te ilanyu ḵad ḵabaḻun ni ḵingwan Apudyus gapu'tte nandadauyan ni somsomoḵyu. Sinsadi, ibungana ayatyu we angwa'tta ambaḻu ya ipapatiyu ipailae ustu da ḵoonyu. Summanga ḵayu gapu'tte naḵwa ḵan diḵayu ya maḵimut ḵayu'ḵ dusaon Apudyus diḵayu gapu'tta basuḻyu. Pionyu pagay os ilan saḵon ya allaylayad ḵayu bose angwa'tta imbagaḵ. Pionyu bose anusa'tte tagu we naḵabasuḻ. Gapu'tta losane ḵingwayu, nipailae ippun mipabasuḻ ḵan diḵayu gapu'tte naḵabasuḻan da sadi ye tagu.

Philippians 1:17

Yaḵon da sadi ye umapos ḵan saḵon, daḵampun aḵ naḻpu si pusuda angiwaḻagawaganda si mipanggob ḵan Kristu yaḵon siya singtonda midayawda. Ḵad sa somsomoḵda, ḵoonda ḵatti ta dumallu ampaḵaḻamaḵ si babaḻḻudan.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

2 Timothy 4:16

Sa damu we nasumaḻyaaḵ, ippun pulus ummali'ḵ buḻunku'ḵ nangitaḵdoḻ ḵan saḵon. Losanda tinenan saḵon. Adin oḵyan pos Apudyus pabasuḻon dida'tte ḵingwadae lawweng ḵan saḵon.

1 Peter 3:15

yaḵon dayawonyu'ḵ Kristu we ḵangatuwane Apu atte somsomoḵyu. Pasig ḵayu ansasagganae anongbat nu awad an-imus ḵan diḵayu'tte mipanggob si namnamayu we awad ḵan diḵayu. Ḵad allin-awaonyu we sumongbate angipaila si ustu we patganyu.