Acts 21:34 - Sa Ugud Apudyus

³⁴ Unipun amo nagulu da tagu we nandatdatong si ummamdane omoḻe ippun puutna te awad ay osa nambogga ḵad da ḵaaduwan ippun igammuda nu ngai gapun ni nadagupanda. Pun binilinna da suḻdadu ta itallayda'ḵ Paul atte ḵampuda.

Acts 21:34 ပူးပေါင်းရင်းမြစ်များ

Acts 19:32

Unipun amo nagulu da tagu we nandatdatong si ummamdane omoḻe ippun puutna te awad ay osa nambogga ḵad da ḵaaduwan ippun igammuda nu ngai gapun ni nadagupanda.

Acts 21:37

Anna ḵade iyoyda'ḵ Paul si ḵampuda, ḵanana si kumander, “Anna ud yan ibagaḵ ḵan siḵa.” Ḵanan ni kumander we summongbat, “Igammume an-ugud atte Greek?

Acts 22:24

Pun impaidatong ni kumander aḵ Paul atte ḵampu woḵ imbaganae ap-aplitonda ta ibabaggana nu ngai gapun ni simboboggaan da tagu ḵan siya.

Acts 22:30

Mabigat ḵad, gapu ta pion ni kumander igammuwon ustu we ipabasuḻ da Judyu ḵan Paul, pinuḵayana woḵ binilinna da papangat da papadi ya da losane ḵuḵunsisaḻ ta ammimitingda. Pun inniyoyda'ḵ Paul si igaw da ammiting woḵ pinataḵdogna si sinagungda.

Acts 23:10

Pun amo dummallu susubogda woḵ naḵimtan kumander te ḵananapun nu an-in-innatanda'ḵ Paul. Pun binilinna da suḻdadu we umoyda aḻan ta itallayda'tte ḵampuda.

Acts 23:16

Yaḵon sa abeng ni sunud Paul we bubai, dingngoḻnae nantutuḻagan da Judyu we umoyda bangabangon, pun ummoy atte ḵampun da suḻdadu ta ibagana ḵan Paul sadi ye panggobda.

Acts 23:32

Mabigat ḵad, nampauli da nanaddaḻane suḻdadu si ḵampuda'd Jerusalem woḵ da nangabayu nangituḻud ḵan Paul.

Acts 25:26

Yaḵon ippun paat ustu'ḵ igammuḵ aḵ isuḻatḵu si Emperor atte mipanggob ḵan siya. Sadi gapunae impaidatongḵu'tte sinagungyu losan, amod ay siḵa Ari Agrippa ta awad isuḻatḵu nu gangputon taḵu sumaḻyaon.