Acts 21:32 - Sa Ugud Apudyus

³² Daguse inayagan ni kumander da kapitan ya da suḻdadu woḵ sintotoddaḵdae ummoy si igaw da adu we tagu. Innilan ḵad ay da tagu kumander ya da suḻdadu, ingginoḵdae namiḵubiḵung ḵan Paul.

Acts 21:32 ပူးပေါင်းရင်းမြစ်များ

John 18:12

Pun da suḻdadu ya da kapitanda ya da guwaḻdan ni templon da Judyu dinoḵmaanda'ḵ Jesus woḵ binaḻudda da imana.

Acts 18:17

Pun dinoḵmaanda'ḵ Sosthenes we pangat ni sinagoga woḵ inap-aplitda si paway ni dadaḻḻuman yaḵon adimpun Gallio pulus biniyangan dida.

Acts 22:19

“Pune sadi ḵanaḵ, ‘Apu, iniiggammudae saḵon ummoy atta sinagoga nandoḵma'tta namati ḵan siḵae imbaḻudḵu ḵan inap-aplitḵu dida.

Acts 23:27

Sa annae tagu we impaiyoyḵu ḵan siḵa, dinoḵmaan da Judyu woḵ tigangayda gongaton. Yaḵon saḵon ya da suḻdadu, ummoyni illigsi te inigammuḵe Romano.

Acts 24:6

Ḵad pinadasna bos ḵaissawan templo'd Jerusalem yaḵon dinoḵmaanni.

Acts 5:40

Pun tinuttuwan da ḵuḵunsisaḻ imbagan Gamaliel. Inayaganda ḵad da apostol, impaaplitda dida. Pun imbilinda bose adida an-ugud si mipanggob si ngadan Jesus woḵ puḵayanda dida.