Acts 21:27 - Sa Ugud Apudyus

²⁷ Anna ḵade madam-an magangput pitun aḻgaw, inggaw da Judyu we naḻpu'd Asia we nangila ḵan Paul si templo. Pun sinugsuganda da amode tagu woḵ dinoḵmaanda'ḵ Paul,

Acts 21:27 ပူးပေါင်းရင်းမြစ်များ

Luke 21:12

“Yaḵon sa daan da sadi maḵwaan, doḵmaanda ḵan ampaḵaḻamon diḵayu. Idaḻumda diḵayu'tta sinagoga ḵad ibaḻudda diḵayu. Gapu si pammatiyu ḵan saḵon, iyoyda diḵayu'tta ari ya da gobernor.

Acts 13:50

Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida.

Acts 14:19

Yaḵon dummatong sidi da Judyu we naḻpu'd Antioch ya ad Iconium woḵ inawisda da aduadu we tagu ta batubatuwonda'ḵ Paul ya butbutonda si lasin ni siyudad te ḵanandapun nu natoy.

Acts 14:2

Yaḵon da Judyu we adipun tummuttuwa gapu si adidapun namatiyan, sinubsubda da Gentil ta paḻawengonda da somsomoḵ da susunud ḵan Kristu.

Acts 14:5

Pun nantutuḻag da Judyu ya da Gentil ya da papangatdae ampaḵaḻamonda ya batubatuwonda dida inggana'ḵ matoyda.

Acts 16:6

Pun ummoy da Paul atte probinsiya'd Phrygia ya sa probinsiya'd Galatia te adimpun ni Ispiritu Santu iyyunud didae umoy angiwaḻagawag atte Ugud Apudyus si probinsiya'd Asia.

Acts 17:13

Yaḵon inigammun ḵad da Judyu'd Thessalonica we iwwaḻagawag Paul Ugud Apudyus ad Berea, ummoyda sidi woḵ subsubonda da tagu ta angguluda.

Acts 18:12

Yaḵon nangobernor ḵad aḵ Gallio si probinsiya'd Achaia, nan-uunudan da Judyu we adipun namati ye iduḵḵusda doḵmaan aḵ Paul ya inniyoyda'tte dadaḻḻuman.

Acts 2:9

Awad da udum ḵan ditaḵu we naḻpu'tta saḵubna'd Parthia, Media, Elam, Mesopotamia, Judea, Cappadocia, Pontus, Asia,

Acts 20:19

Nanserbiyaḵ ḵan Apu Jesus we napakumbaba. Ḵad naaḻuboy os luwaḵ si lawweng ni somsomoḵḵu gapu si namaḵapaḵaḻaman da dogaḵe Judyu ḵan saḵon te nan-uunudandae gongaton saḵon.

Acts 24:11

Igammuwome adipun lummabos aḵ nasawaḻan aḵ duwae aḻgaw naḻaḵpus si inggan ni ummoyḵu nandaydayawan ḵan Apudyus ad Jerusalem.

Acts 24:18

Sana ḵingwaḵ atte nangdasan da Judyu we naḻpu'd Asia ḵan saḵon atte templo atte nangangputaḵ si ugali taḵu we ampapoḻḵas. Ḵad naippun adu'ḵ tagu sidi ya naippun os nanggulu!

Acts 26:21

Ḵad gapu'tte sadi, dinoḵmaanaḵ atta Judyu si inggawaḵ si templo ḵad pinadasda gongaton saḵon.

Acts 4:3

Gapu'tte sadi, dinoḵmaanda dida woḵ inniyoyda dida si babaḻḻudan te annae lumabi ta asida dida sumaḻyaon appigat.

Acts 5:18

Pun ummoyda dinoḵmaan da apostol woḵ imbaḻudda dida.

Acts 6:12

Pun pinasangada da tagu, da pallakayon da Judyu ya da mimistulun ni lintog. Pun dinoḵmaanda'ḵ Stephen woḵ inniyoyda si sinagung da ḵuḵunsisaḻ.

Acts 6:9

Yaḵon da udume Judyu we naḻpu si grupu we ngannonda “Sinagogan di Napuḵayane Musassu” we iCyrene ya iyAlexandria ya da udume naḻpu'd Cilicia ya ad Asia, tummaḵdogda woḵ naḵasossongbatda ḵan Stephen.

2 Corinthians 11:26

Ippun adi naḵwa ḵan saḵone ḵaog-ogyat atta nambabbaataḵ, isun da dinaḵoḻ da tawwang ya da tulisan atta daḻan. Inggaw os da ḵaog-ogyate ḵingwan da ḵailiyaḵe Judyu ḵan saḵon ya taḵon ay os da Gentil. Ḵaog-ogyat os naḵwa ḵan saḵon atta siyudad ya sa bumbummaaw, sa baybay ya ḵaog-ogyat da ḵingwan da ḵapappailae susunud taḵu ḵan saḵon.

1 Thessalonians 2:16

te taḵtaḵonda diḵani ye angibaga'tte Ugud Apudyus atta Gentil ta mataguda oḵyan. Sa ḵoondae sanat, dog-adog-anda da basuḻda ḵad dumatong ḵan dida sindumallu we sangan Apudyus.