Acts 20:29 - Sa Ugud Apudyus

²⁹ Te igammuḵe sibot ḵad ni ayonaḵ, awad da umali ḵan diḵayu we sinan mistulu we isudan atape asu we umoy dumadail si pammatiyu ya da ayyuwananyu. Ḵad ippun gagada ḵan dida.

Acts 20:29 ပူးပေါင်းရင်းမြစ်များ

Matthew 10:16

Pinagatupan os Jesus woḵ ḵanana, “Sosomḵonyu anna. Ibuunḵu diḵayu'tta lawweng ya ḵaog-ogyate tagu ḵad isuyun karnero we umoy atte lugar we igaw da tanane asu. Ḵad ḵasapuḻane nalaing ḵayu we isun da uḻog ya adiyu ḵoon lawwenge isun da kalapati.

Matthew 7:15

Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman.

Luke 10:3

Pun ḵanana, “Inḵayu! Sosomḵonyu anna. Ibuunḵu diḵayu'tta lawweng ya ampaḵimute tagu ḵad isuyun karnero we umoy atte lugar we igaw da tanane asu.

Luke 12:32

“Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

John 10:12

Sa matangdanane antangḵon, nu awad ilana'ḵ atape asu aḵ angiduḵḵus atta karnero, tenana dida ya umawid te daḵampun aḵ siya gattoḵe antangḵon ya sinḵuwa'tta karnero. Ḵad sa atape asu, iduḵḵusna doḵmaan dida ya umasbuḵda.

John 21:15

Nagangputda ḵad nanugda, ḵanan Jesus ḵan Simon Peter, “Simon we abeng John, amo ay-ayatom pagay saḵon nu da annae udum?” Ḵanan Peter, “On Apu, igammume ay-ayatoḵ siḵa.” Ḵanan Jesus, “Pun ayyuwanam da karneroḵ.”

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

1 Peter 5:2

Annaya da bilinḵu ḵan diḵayu. Ummanyu ayyuwanan da tagun Apudyus we intaḻgodna ḵan diḵayu we isudan karnero. Adi ḵayu oḵyan mapattupattut yaḵon allaylayad ḵayu oḵyane angayyuwan ḵan dida te sadi pinion Apudyus. Ḵoonyu ḵewaaḻyu we daḵampun aḵ gapu si angamgamanyu si pilaḵ yaḵon gapu si ayatyu we anserbi ḵan Apudyus ya da buḻunyu.

2 Peter 2:1

Yaḵon inninggaw os da sinan profeta we niḵamos atta tagu si awe. Ḵad isuna bos sinsanae awad da asi angidatong atta daḵampun aḵ tuttuwae tuttudu we naḻpuda'tte sabali ye grupu we maḵadadail atte pammati. Ḵad puḵlitanda'ḵ Apu taḵu we nanubut ḵan dida. Pun maaddaganda'tte madusaanda ḵan Apudyus.

Jude 1:18

Ḵananda ḵan diḵayu, “Nu dumatong anungus ni aḻgaw, awad da tagu we umang-angyage da angunud si pipiondae lawweng.”