Acts 20:24 - Sa Ugud Apudyus

²⁴ Adipun ampatog ḵan saḵon nu mataguwaḵ baḵon nu matoyaḵ. Sa biyagḵu ampatog atte angigangputaḵ si ḵewaaḻe innatod Apu Jesus ḵan saḵone sa angiwaḻagawagaḵ si Ambaḻu we Damag mipanggob si ḵinabaḻun Apudyus.

Acts 20:24 ပူးပေါင်းရင်းမြစ်များ

Luke 16:28

ta bagbagaana da limae sunudḵu ta adida oḵyan os umali si annae igaw ni ummamdane ampaḵaḻaman.’

John 15:27

Diḵayu ḵad os taḵdoḻanyu te inninggaw ḵayu ḵan saḵon si inggan ni laplapu.”

John 17:4

Indaydayawḵu siḵa sina'd luta si nangangputaḵ atta ḵewaaḻe innatodnu ḵan saḵone ḵooḵ.

Acts 1:17

Aḵ Judas buḻunni te siya osae dinutuḵan Jesus we maḵaserbi ḵan diḵani ye apostol.”

Acts 11:23

Dummatong ḵad sidi, innilana ḵinabaḻun Apudyus ḵan dida. Nallaylayad woḵ sinoḻgagna dida ta ipapatidae antaḻgod ḵan Apu atte amine somsomoḵda.

Acts 13:25

Anna ḵade maabus ḵewaaḻ John ḵanana, ‘Sa ḵasomsomḵanyu saḵon ḵad ain imbuun Apudyus aḵ Anagu ḵan diḵayu? Naid! Daḵampun ḵan saḵon yaḵon sa umun-unud ḵan saḵon. Gapu si ḵinangatuna, ippun labbongḵu we anguḵas atte sandalna.’

Acts 14:3

Pun nabayag inninggawan da Paul ḵan Barnabas sidi. Intuḻoddae nantuttudu mipanggob ḵan Apu Jesus. Pun tinaḵdoḻandae tuttuwa mipanggob si ḵinabaḻuna mipagapu si nangittana ḵan dida si ḵabooḻane angwa'tta nakaskasdaaw ḵan sinyal.

Acts 15:7

Nagangput ḵade nabayag nansosongbatanda, summiḵad aḵ Peter woḵ ḵanana, “Susunud ḵan Kristu, inigammuyu we sa awe, saḵon pinilin Apudyus ḵan ditaḵu'ḵ umoy angiwaḻagawag si Ambaḻu we Damag atta Gentil ta dongngonda ya amatida.

Acts 18:5

Dummatong ḵad da Silas ḵan Timothy ye naḻpu'd Macedonia, impapatin Paul we nangiwaḻagawag si Ugud Apudyus ya pinanoḵnoḵana'tta Judyu we aḵ Jesus siya Kristu.

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Acts 20:23

Sa abuse igammuḵ mibaḻudaḵ ḵan mapaḵaḻamaḵ te pinanoḵnoḵan ni Ispiritu Santu ḵan saḵon atta losane siyudade ayaḵ.

Acts 20:32

“Sinsadi itaḻgodḵu diḵayu ḵan Apudyus ya sa ḵinabaḻuna. Siya maḵabooḻe amapigsa'tta pammatiyu ya angitod si impaḻaḵsunna'tta losane intotoḵḵonnae taguna.

Acts 21:13

Pun summongbat aḵ Paul woḵ ḵanana, “Ngaipa ḵayu sin-iibil ya paḻawengonyu somsomoḵḵu? Te naḵasaganaaḵe mibaḻud ya taḵon ay nu matoyaḵ ad Jerusalem mipagapu ḵan Apu Jesus.”

Acts 22:21

“Pun ḵanana ḵan saḵon, ‘Inḵan ta ibuunḵu siḵa'tte adayu we igaw da Gentil.’ ”

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

Romans 11:6

Yaḵon nu gapu'tte ḵinabaḻun Apudyus namiliyana ḵan dida, daḵampun ogon atta ambaḻu we ḵingwada. Te nu gapu'tta ambaḻu we ḵingwada namiliyan Apudyus ḵan dida, daḵampun aḵ mipagapu'tte ḵinabaḻuna.

Romans 4:4

Awatna, nu awad tagu'ḵ anḵewaaḻ, daḵampun aḵ mibelang aḵ atode libli ḵan siya tangdanna yaḵon illabbuna.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

2 Corinthians 12:10

Gapu ḵan Kristu, mat-opaḵ atta ḵinaḵuyaḵ, nan-ugudanda saḵon aḵ lawweng, ampaḵaḻamaḵ, ampaḵaḻamonaḵ ya napadasḵu da udume ḵaog-ogyate naḵwa. Te nu ḵumuyaaḵ, amo paḵosdoḻon Kristu saḵon.

2 Corinthians 4:1

Gapu'tte ḵadagun Apudyus, naatod ḵan diḵani annae ḵewaaḻ, pun adiḵanipun paat madismaya.

2 Corinthians 4:12

Pun tuttuwae pasigni tataggaḻon ḵatoy yaḵon ambanag si mataguwanyu'ḵ inggana.

2 Corinthians 5:8

Pun antuḻod somsomoḵni ya mangnuwonni tenanni da long-agni'd luta ta inḵani maḵaigaw ḵan Apu.

2 Corinthians 7:4

Antaḻgodaḵ ḵan diḵayu ya ipasindayawḵu diḵayu ya pumigsa pammatiḵ mipagapu ḵan diḵayu. Taḵon ay nu ampaḵaḻamaḵ, allaylayadaḵ gapu ḵan diḵayu.

Galatians 1:1

Saḵon aḵ Paul we nadutuḵan aḵ apostol we daḵampun aḵ dinutuḵanaḵ si tagu ya daḵampun aḵ naḻpu si tagu yaḵon aḵ Jesu Kristu ya aḵ Apudyus we Ama we nanagu ḵan siya.

Ephesians 1:6

Pun dayawon taḵu'ḵ Apudyus gapu si nakaskasdaawe ḵinabaḻu we pasigna impaila ḵan ditaḵu we niyossaan ḵan Kristu we ay-ayatonae abengna.

Ephesians 3:13

Gapu'tte sadi, adi ḵayu madismaya si ampaḵaḻamaḵ gapu ḵan diḵayu te sanat dayawyu.

Philippians 2:17

Ḵad gapu ta madam-an angongatanda ḵan saḵon, allaylayadaḵ taḵon ay nu ḵasapuḻane mibuḵbuḵ daḻaḵe midoga si datune midatun gapu si pammatiyu ḵan Apudyus. Pun maḵagangganasaḵ ḵan diḵayu losan.

Philippians 2:30

te tigangay matoy gapu si ḵewaaḻe impaḵwan Kristu ḵan siya ḵad impustana biyagna si bumadangana ḵan saḵon atte ḵamaidyu.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

1 Thessalonians 2:2

Te inigammuyu we taḵon ay nu nampaḵaḻamon ya inang-angyagda diḵani sidi'd Philippi si daanni ayan sinat ad Thessalonica, innatod Apudyus tuḻodni ye nangiwaḻagawag ḵan diḵayu si Ambaḻu we Damag we naḻpu ḵan siya taḵon ay adu da summullagi ḵan diḵani.

1 Thessalonians 3:3

ta adi ḵayu madismaya gapu'tta ampaḵaḻamanyu. Inigammuyu we niḵoddonge ampaḵaḻam taḵu.

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

2 Timothy 3:11

Igammum os da losane naḵwa ḵan saḵon ad Antioch, Iconium ya ad Lystra we ummamdan nampaḵaḻamaḵ. Yaḵon sinaḻaḵnibanaḵ ḵan Apudyus.

2 Timothy 4:17

Yaḵon taḵon ay nu ḵatti ḵingwada, adiyaḵpun nan-awidan ḵan Apu. Siya ḵingwana pinapigsana saḵon ta awad inoḵe angiwaḻagawag atte Ambaḻu we Damag ta dongngon da losane Gentil. Sinaḻaḵnibana saḵon atta tagu we pionda gongaton saḵon.

Titus 1:3

Ḵad sa ustu we timpu, impaigammuna'tta tagu mipagapu'tte Ambaḻu we Damag. Ḵad sa sadi ye Ambaḻu we Damag, intaḻgodna ḵan saḵon ta siya iwaḻagawagḵu. Te aḵ Apudyus we nanagu ḵan ditaḵu, siya bos imbilinna ḵan saḵone ḵooḵ.

Titus 2:11

Ḵaḵna oḵyan ugalin da namati te impailan Apudyus ḵinabaḻuna mipagapu'tte nangibuunana ḵan Jesus si annae luta ta taguwona oḵyan da losane tagu'tte madusaanda'tte basuḻ.

Hebrews 10:34

Te ḵinadaguwanyu da buḻunyu we nibabaḻud. Ḵad taḵon ay nu sinamsamda da ḵuḵuwayu, inan-anusanyu ginangganas te mismu we igammuyu we awad de nabaḻbaḻu ya annanayune ḵuḵuwayu'd langit.

1 Peter 5:12

Inggiliḵ anna gapu si badang Silas we imbelangḵu'ḵ mataḻgodane sunud taḵu ḵan Kristu. Inggiliḵ annae abobbae suḻat ḵan diḵayu ta papigsaoḵ pammatiyu ḵan panoḵnoḵaḵ ḵan diḵayu annae tuttuwae ḵinabaḻun Apudyus. Sosomḵonyu we ustu sadi ye ḵinabaḻuna ta adiyu an-awidan.

1 John 3:16

Pun ditaḵu ḵad os, sa nangittan Jesu Kristu si biyagna'ḵ natoy para ḵan ditaḵu, naḵasagana taḵu oḵyane angitod atta biyag taḵu para'tta susunud taḵu ḵan Kristu.

Revelation 12:11

Yaḵon illog da susunud taḵu we namati gapu'tte daḻan ni Ubbu we Karnero we pummoy-as atte natoyana ya gapu si nangitaḵdoḻanda'tte ḵatuttuwaan te adidapun patpatgon da biyagda taḵon ay nu siya gapun ni natoyanda.

Revelation 6:11

Pun naittan da sadi ye ḵalidodwa si itaḵe langgoyode silup. Ḵad nibaga ḵan didae an-illongda yan aḵ sin-aḵitan inggana'ḵ maganggangput belang da susunudda ḵan Kristu we anserbi ḵan Apudyus we patoyon da tagu we isun os ni napatoyanda.