Acts 20:17 - Sa Ugud Apudyus

¹⁷ Pun sa inninggawanni'd Miletus, nambuun aḵ Paul aḵ umoy angayag atta angipangpangu'tta namati ye magimugimung ad Ephesus.

Acts 20:17 ပူးပေါင်းရင်းမြစ်များ

Acts 11:30

Ḵingwada ḵad, indagasda ḵan da Barnabas ḵan Saul ta ittonda'tta angipangpangu'tta namati'd Jerusalem.

Acts 14:23

Ginangputda ḵad dinutuḵan da angipangpangu'tta losane gimung da namati, nalluwaḻuda ya nallaunda woḵ intaḻgodda dida ḵan Apu we pinatida ta ayyuwanana dida.

Acts 15:23

Annaya suḻate indagasda, “Pakumustae naḻpu ḵan diḵani ye apostol ya da angipangpangu'tta namati ya da susunud ḵan Kristu sina'd Jerusalem. Annaya suḻatni ḵan diḵayu we Gentil we susunud ḵan Kristu sinat ad Antioch, Syria ya ad Cilicia.

Acts 15:4

Dummatongda ḵad ad Jerusalem, minangilin da namati ye magimugimung dida, da apostol ya da angipangpangu. Pun imbagan da Paul da losane ḵingwan Apudyus ḵan dida.

Acts 15:6

Pune sadi, nammimiting da apostol ya da angipangpangu'tta namati ta an-uugudanda sanae banag.

Acts 16:4

Nanggaḵayda ḵad atta ḵinailin di ili, impaigammuda nan-uunudan da apostol ya da angipangpangu'tta namati'd Jerusalem ta tuttuwaon da tagu.

Acts 18:19

Dummatongda ḵad ad Ephesus, lummogsadda'tte bapur sidi woḵ tinenana da Aquila ḵan Priscilla. Yaḵon ummunae mismu ummoy atte sinagoga ya naḵasossongbat atta Judyu.

Acts 20:15

Mabigatpun, nallibbat ḵani sidi woḵ dummatong ḵani'tte domangna'd Chios. Mabigatpun os dummatong ḵani'd Samos, ḵasin ose mabigat, niduum ḵani'd Miletus.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

1 Timothy 5:17

Sa mipanggob atta angipangpangu'tta namati ye ambaḻu angidaḻananda, ibelangyu oḵyan dida'ḵ mapadayawan ya ustu tangdanda. Amod ay da angiwaḻagawag si Ambaḻu we Damag ya da antuttudu.

Titus 1:5

Sa gapun ni nanenaḵ ḵan siḵa'd Crete, uḻnusom yan da daampun miyuḻnus ya dutuḵam da angipangpangu'tta gimung atta losane ili. Sosomḵom da imbilinḵu.

James 5:14

Awad ḵamman osa ḵan diḵayu'ḵ masaḵit? Paayagna oḵyan da angipangpangu'tta namati ye magimugimung ta iluwaḻuwanda ya appusanda si lanae usaronda ngadan Apu Jesus.

1 Peter 5:1

Awad de pioḵ ibaga ḵan diḵayu we angipangpangu'tta namati te osaaḵ ose angipangpangu. Osaaḵ ose nangila si nampaḵaḻaman Kristu ya midogaaḵ si ḵabaḻuwane antatagu ḵan Apudyus ad langit si umali ye aḻgaw.

2 John 1:1

Patpatgoḵe ina, Saḵon aḵ John we osa'tta angipangpangu'tta namati. Annaya suḻatḵu ḵan siḵae pinilin Apudyus ya da abengnu. Sipupusu annae ayatḵu ḵan diḵayu. Ḵad daḵampun aḵ saḵone abus angayat ḵan diḵayu yaḵon losan os atta angigammu si ḵatuttuwaan.

3 John 1:1

Patpatgoḵe Gaius, Saḵon aḵ John we osa'tta angipangpangu'tta namati. Annaya suḻatḵu ḵan siḵae buḻbuḻunḵu. Sipupusu ayatḵu ḵan siḵa. Ilulluwaḻuḵe ambaḻu biyagnu ya ampigsa bos long-agnu we isuna pigsan ni pammatim.