Acts 2:46 - Sa Ugud Apudyus

⁴⁶ Inaḻgawe andatdatongda ya an-os-ossaandae andayaw atte templo we boḻoy Apudyus. Ḵad sillalaylayaddae anḵaḵaḵan atte tinapay atta boḻoyda ya sipupusu layadda.

Acts 2:46 ပူးပေါင်းရင်းမြစ်များ

Matthew 6:22

Pinagatupan Jesus woḵ ḵanana, “Sa ata silaw ni long-ag. Nu ambaḻu da atam, ampadda losane long-agnu.

Luke 11:41

Sa unaonyu ḵoon, papoḻḵasonyu da somsomoḵyu ya allaay ḵayu'tta ḵapus. Te nu ḵoonyu ḵaḵna, pumoḻḵas losane ḵinatataguyu.

Luke 24:30

Tummuḵduda ḵade angan, innaḻan Jesus tinapay, nanggappiya ḵan Apudyus woḵ binisbisaḵna woḵ innatodna ḵan dida.

Luke 24:53

Pun inaḻgawe umoyda'tte paway ni templo andaydayaw ḵan Apudyus.

Acts 16:34

Intallayna da Paul ḵan Silas aḵ ḵuwada woḵ pinaḵanana dida. Pun amod de layad da simbaḻyan gapu'tte namatiyanda ḵan Apudyus.

Acts 2:42

Impapatidae nan-adaḻ atta tuttudun da apostol ya nambubuḻunda, nanḵaḵaḵanda'tte tinapaye angiḵagasmoḵanda si natoyan Jesus ya nalluwaḻuda.

Acts 20:7

Sa mabigat ḵade nagangputan ni umillongane imbelangdae umunae aḻgaw ni sindumingguwan, nandatdatong ḵani ye namati'd Troas ta ḵanonni tinapaye angiḵagasmoḵanni si natoyan Jesus. Nantuttudu'ḵ Paul atta tagu inggana'ḵ gawallabi te ḵananapun nu umoyon si mabigat.

Acts 3:1

Sin-aḻgawan ḵad, ummoy da Peter ḵan John atte paway ni templo si ummag-agaw te sadi orase alluwaḻuwan.

Acts 5:21

Dingngoḻda ḵad sana, nillumnoḵda si templo atte wiḵwiḵis woḵ nantuttududa. Dummatong ḵad de ḵangatuwane padi ya da buḻunna, inayaganda da ḵuḵunsisaḻ ya da losane pallakayon ad Israel. Pun imbuunda da guwaḻdan ni templo ta umoyda aḻan da apostol atte babaḻḻudan.

Acts 5:42

Ḵad inaḻgawe ummoyda'tte paway ni templo ya da boboḻoy ta pagapagatupandae angituttudu ya angiwaḻagawage aḵ Jesus siya Kristu.

Romans 12:8

Da innattan Apudyus aḵ ḵabooḻane ansoḻgag aḵ pumigsaan da pammatin da udum, ansoḻgagda oḵyan. Ḵad da innattan Apudyus aḵ ḵabooḻane angitod, angitodda oḵyane naḻpu'tta pusuda. Ḵad da naittan aḵ ḵabooḻane angipangpangu, ipapuutda oḵyane angwa. Ḵad da naittan aḵ ḵabooḻane ḵumadagu'tta ampaḵaḻam, allaylayadda oḵyane angwa.

1 Corinthians 10:16

Nu uminum taḵu'tte nabasu we bayas, nu maabus taḵu we anggappiya ḵan Apudyus, daḵampun ḵamman aḵ milaḵ-am taḵu'tte bindisyune mipagapu'tte pummoy-ase daḻan Kristu si natoyana? Pun nu ḵanon taḵu tinapaye nabisbisaḵ nu magangput taḵu anggappiya ḵan Apudyus, daḵampun ḵamman os aḵ milaḵ-am taḵu'tte bindisyune mipagapu'tte long-ag Kristu we nipattoḻ atte kros?

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

2 Corinthians 11:3

Yaḵon umogyataḵ aḵ maallelaw somsomoḵyu ya maawis ḵayu'tta sabali ye tuttudu ḵad nan-awidanyu sipupusu ḵan ampoḻḵase somsomoḵyu ḵan Kristu we isuna naḵwa ḵan Eve we inallelaw ni uḻog.

Ephesians 6:5

Ḵan diḵayu we musassu, tuttuwaonyu oḵyan da ap-apuwonyu sina'd luta. Patganyu ḵan dayawonyu oḵyan didae maḻpu'tta pusuyu ya ipapuutyu we angwa'tta paḵwada ḵan diḵayu we isun ni ḵoonyu nu aḵ Apu Jesu Kristu angibaga ḵan diḵayu.

Colossians 3:22

Diḵayu ḵad ose musassu, tuttuwaonyu da losane ibagan da ap-apuwonyu sina'd luta. Daḵampun aḵ abus angitotollonganda ḵan diḵayu'ḵ angwaanyu'tte ḵewaaḻyu ta mas-omda ḵan diḵayu. Yaḵon maḻpu pagay oḵyan atte somsomoḵyu da ḵoonyu we anuttuwa ḵan dida te isipogyu'ḵ Apu.