Acts 2:45 - Sa Ugud Apudyus

⁴⁵ Ingnginada da lutada ya da ḵuḵuwada woḵ iwwaḻasda'tta udume namati sigun si ḵasapuḻan ni sin-ossaossa.

Acts 2:45 ပူးပေါင်းရင်းမြစ်များ

Matthew 19:21

Ḵanan Jesus ḵan siya, “Nu piom wadawadda ḵan siḵa, inḵa ingina da ḵuḵuwam ya ittom bayadna'tta ḵaḵapus woḵ awad de binaḵnangnu we inggappot Apudyus ad langit. Ḵad umaliḵa ta tun-udonaḵ.”

Luke 16:9

Pun annaya ibagaḵ ḵan diḵayu, usaronyu da binaḵnangyu'tte annae lubung aḵ maḵabuḻbuḻunanyu te dumatong ḵad timpu we maaminan ḵayu, awaton diḵayu'd langite inggawanyu'ḵ inggana.”

Luke 18:22

Dingngoḻ ḵad Jesus, ḵanana ḵan siya, “Os-ossaan adimpun ḵingwa. Inḵa ingina da losane ḵuḵuwam ya iwaḻasnu bayadda'tta ḵaḵapus woḵ awad de binaḵnangnu we inggappot Apudyus ad langit. Umaliḵa, tun-udonaḵ.”

Luke 19:8

Pun tummaḵdog aḵ Zacchaeus woḵ ḵanana ḵan Apu Jesus, “Apu, ittoḵ gogwan da ḵuḵuwaḵ atta ḵapus. Nu awad tagu'ḵ nan-igabaḵ, ipauliḵ aḵ angimpat ḵan siya ḵaadun ni inigabḵu.”

Acts 11:29

Pun da namati'd Antioch simsimmoḵdae angidagasda'ḵ badang atta susunud ḵan Kristu atte probinsiya'd Judea. Nangitod sin-ossaossa'tte lamogna itton.

Acts 4:34

Naippun maaminan ḵan dida te da awad da lutada baḵon nu boḻoyda, nan-inginada ya innatodda da nginada'tta

Acts 4:35

apostol ta asida ḵigade angiwaḻas atta udume namati sigun si ḵasapuḻan ni sin-ossaossa.

2 Corinthians 9:1

Daḵampun aḵ ḵasapuḻane isuḻatḵu ḵan diḵayu mipanggob si badange maiyoy atta tagun Apudyus ad Judea.

2 Corinthians 9:9

Awad de nigili'tte Ugud Apudyus mipanggob atte allaaye tagu we ḵanana, “Aduadu ittonae badang atta ḵapus. Pun ippun ampatinggaan ni naun-unana.”

1 John 3:17

Pun nu awad osa'ḵ anna ḵuḵuwana, silupna, mabalinna ya innilana asintatagunae angkurang atta ḵasapuḻana yaḵon adinapun ḵinadaguwan, ngai inonae angibagae ay-ayatona'ḵ Apudyus?