Acts 2:38 - Sa Ugud Apudyus

³⁸ Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

Acts 2:38 ပူးပေါင်းရင်းမြစ်များ

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 3:6

Imbabaggada da basuḻda pun binonyagan John dida'tte tawwang Jordan.

Matthew 4:17

Inggan ni sadi ye timpu, insaḻad Jesus we nangiwaḻagawag woḵ ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Mark 1:15

Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”

Mark 16:16

Ngaimane amati ḵan saḵon ya mabonyagan, matagu. Yaḵon sa adipun amati, maḵoddongan aḵ madusa.

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Luke 3:10

Gapu'tte sadi, amod da tagu we ḵanandae nangim-imus, “Ḵad umpay, ngai ḵoonni?”

Acts 10:43

Da losane profetan Apudyus si awe, tinaḵdoḻanda mipanggob ḵan Jesus ta ngaimane amati ḵan siya mapakawan da basuḻda mipagapu'tte ngadanna.”

Acts 10:48

Pun imbilin Peter we mabonyaganda si ngadan Jesu Kristu. Pun tinawidanda'ḵ Peter ta inggaw ḵan dida'ḵ adu we aḻgaw.

Acts 13:38

“Pun mipaigammu ḵan diḵayu susunudḵu we ganaḵ Israel we sa iwaḻagawagni ye mipagapu ḵan Jesus, mapakawan da basuḻyu.

Acts 16:15

Pun nampabonyag aḵ Lydia ya da ḵabaḻyanna. Pun inayagana diḵani woḵ ḵanana, “Nu ibelangyu saḵone tuttuwae namati ḵan Apu, umali ḵayu'ḵ ḵuwani.” Pun impatutna intallay diḵani si boḻoyda.

Acts 17:30

Sa awe, inan-anusan Apudyus da ḵingwan da tagu te daandapun igammuwon. Yaḵon sinsadi, imbilinnae losane tagu ibabawida da basuḻda ya agaydae angwa.

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Acts 22:16

Sinsadi, ngai bos uwayom? Lumibbatḵa ta inḵa pabonyag ḵad iluwaḻum ḵan Apudyus ta pakawanona da basuḻnu mipagapu'tte anḵodawam aḵ ḵadagu ḵan Apu.’

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Acts 26:20

Te ummunae iwwaḻagawagḵu'tta tagu'd Damascus inggana'd Jerusalem ya da losane ili'tte probinsiya'd Judea ya da Gentil ta ibabawida oḵyan da basuḻda ya ansinagungda ḵan Apudyus ḵad ḵoonda ambaḻu we mibagay si nambabawiyanda.

Acts 3:19

Pune sadi, ibabawiyu da basuḻyu ya agayyu we angwa ta mapakawan ḵayu.

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

Acts 8:12

Yaḵon namatida ḵad atte Ambaḻu we Damag mipanggob atte ampangatan Apudyus ya sa ngadan Jesu Kristu we iwwaḻagawag Philip, nampabonyag da laḻaḵi ḵan da bubai.

Acts 8:20

Yaḵon ḵanan Peter ḵan siya, “Midoga oḵyan ḵan siḵa sanate pilaḵnu masgob ad infiernu te ḵanampun nu maḵwae mangin-an atod Apudyus si pilaḵ!

Romans 6:3

Adiyupun ḵamman igammu we losan taḵu we nabonyagan ḵan Jesu Kristu nidoga taḵu bos atte natoyana?

Ephesians 1:7

Te gapu si pummoy-asan ni daḻan Jesu Kristu si natoyana, nasubut taḵu we piona ḵanan napakawan da basuḻ taḵu. Sana nail-an ni ummamdane ḵinabaḻun Apudyus

Titus 3:5

tinaguna ditaḵu. Daḵampun aḵ gapu'tta naun-unane ḵingwa taḵu nataguwan taḵu, nu adi gapu si ḵummadaguwana. Tinaguna ditaḵu'tte namapoḻḵasana'tta basuḻ taḵu ḵad isun di niyanaḵ taḵu ḵasin ya naittan taḵu'ḵ baru we biyag gapu'tte ḵabooḻan ni Ispiritu Santu.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.