Acts 19:34 - Sa Ugud Apudyus

³⁴ yaḵon immatunanda ḵade Judyu, nandidisanda losan ḵanane nanugtug-uy si umoye duwan orasan, “Madaydayaw aḵ Artemis we apudyus taḵu we iyEphesus.”

Acts 19:34 ပူးပေါင်းရင်းမြစ်များ

Matthew 6:7

“Nu alluwaḻu ḵayu, adiyu paanduanduwon atta ugude ippun aḵit aḵ bogasnae isun ni ḵoḵoḵḵon da adipun angigammu ḵan Apudyus. Ḵanandapun nu dongngon Apudyus dida te adipun mangpus luwaḻuda.

Acts 16:20

Inniyoyda ḵad dida si igaw da opisyal da iRome, ḵananda, “Da annae Judyu, dida gugulu si siyudad taḵu,

Acts 19:24

Sa tagu we nangngadan aḵ Demetrius we ambobosaḻ, nangwa'tte palata'ḵ sinan templon Artemis we sa bubai ye apudyusda ya daḵoḻ os tangdan da sanae anḵeḵewwaaḻona.

Acts 19:26

Ḵad innila taḵu ḵan didingngoḻ taḵu we adu da inawis Paul we tagu sina'd Ephesus ya tigangay ta losan da ili'tte probinsiya'd Asia. Ḵanana sa ḵoon di tagu, daḵampun aḵ tuttuwae apudyus.

Acts 19:28

Dingngoḻ ḵad da tagu imbagan Demetrius, summangada ḵan Paul ya da buḻunna woḵ insaḻadda ḵanane simbobogga, “Madaydayaw aḵ Artemis we apudyus taḵu we iyEphesus!”

Acts 19:33

Gapu'tte sadi, imbuun da Judyu aḵ Alexander si sinagung da tagu ta ipaḵaawatna oḵyane daḵampun ḵan dida gapun ni gulu. Intayag Alexander imanae amaginoḵ atta tagu ta an-ugude taḵdoḻana,

Acts 19:35

Yaḵon pinaginoḵ ḵad ni secretaryn ni siyudad da amode tagu ḵanana, “Susunude iyEphesus, awad ḵamman ossaan ḵan ditaḵu'ḵ adi angigammu we ditaḵu angay-ayyuwan atte templon ni madaydayawe Artemis ya sa sinan-Artemis we batu we naottage naḻpu'd langit?

Romans 2:22

Ḵad ḵananyu bose ḵasapuḻane adi ḵayu maḵadagdagas, pun ngaipa ḵayu bos maḵadagdagas nu? Ḵad ḵananyu bose am-amgaḻ long-agyu we andayaw atta sinan-apudyus, ḵad ngaipa ḵayu lumnoḵ si templon da sinan-apudyus ta an-aḵaw ḵayu'tta awad ad daḻom nu?

Revelation 13:4

Pun nandaydayawda si dragon te innatodna ḵaḻabbongana'tte ḵaog-ogyate ayam woḵ nandaydayawda bos atte sadi ye ḵaog-ogyate ayame ḵananda, “Ngai nin ay miyisu si annae ḵaog-ogyate ayam? Ngai nin ay ḵallamog angngog ḵan siya?”