Acts 19:33 - Sa Ugud Apudyus

³³ Gapu'tte sadi, imbuun da Judyu aḵ Alexander si sinagung da tagu ta ipaḵaawatna oḵyane daḵampun ḵan dida gapun ni gulu. Intayag Alexander imanae amaginoḵ atta tagu ta an-ugude taḵdoḻana,

Acts 19:33 ပူးပေါင်းရင်းမြစ်များ

Luke 1:22

Lummawa ḵad, nansinyal ḵan dida te adipun maḵaginga. Pun inigammudae awad de impailan Apudyus ḵan siyae isun di in-inop woḵ impiddagusna naumoḻ.

Acts 12:17

Pun sininyasan Peter dida ta giginnoḵda woḵ inug-uggudna inon Apudyus we nangilawa ḵan siya'tte babaḻḻudan. Pun ḵanana, “Ibagayu ḵan James ya da udume susunud taḵu ḵan Kristu.” Pun ḵesan woḵ ummoy atta udume lugar.

Acts 13:16

Pun summiḵad aḵ Paul woḵ sinyasana da tagu ta guminoḵda. Ḵanana, “Diḵayu we ganaḵ Israel ya diḵayu we Gentil we angisipog ḵan Apudyus, dongngonyu annae ibagaḵ.

Acts 19:34

yaḵon immatunanda ḵade Judyu, nandidisanda losan ḵanane nanugtug-uy si umoye duwan orasan, “Madaydayaw aḵ Artemis we apudyus taḵu we iyEphesus.”

Acts 21:40

Iyyunud ḵad ni kumander, summiḵad aḵ Paul atte aḻdan woḵ nantupapa ta guminoḵ da tagu. Gumminoḵda ḵad, insaḻadnae nan-ugud si Hinebrew atta Judyu.

Acts 24:10

Naabus ḵad, sininyasan Gobernor Felix aḵ Paul ta mipasani an-ugud woḵ ḵanan Paul, “Apu Gobernor, inigammuḵe adu we tawon nampangatam ḵan nanḵuwisam ḵan diḵani ye Judyu atte annae ili. Pun allaylayadaḵ te annaḵa si anaḵdoḻaḵ atta impabasuḻda ḵan saḵon.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

1 Timothy 1:20

Ḵaḵna isun ni naḵwa ḵan da Hymenaeus ḵan Alexander we impuḻangḵu ḵan Satan ta adaḻondae adida an-ugud aḵ lawweng mipanggob ḵan Apudyus.

2 Timothy 4:14

Aḵ Alexander ḵade ambobosaḻ, adu da ḵingwana ḵan saḵone lawweng yaḵon aḵ Apudyus asi ḵigade anusa ḵan siya'tta ḵingḵingwana.