Acts 19:17 - Sa Ugud Apudyus

¹⁷ Inigammun ḵad da losane ummili'd Ephesus, Judyu baḵon nu Gentil da naḵwa, naḵimtanda woḵ indaydayawda ngadan Apu Jesus.

Acts 19:17 ပူးပေါင်းရင်းမြစ်များ

Luke 1:65

Naḵimtan da ḵailiyanda woḵ nandinongoḻ ugud atte mipanggob si naḵwa'tta losane ili'tta probinsiya'd Judea.

Luke 7:16

Pun naḵimtan da losane tagu woḵ indaydayawda bos aḵ Apudyus. Ḵananda, “Atopay! Sa annae profeta we ummali ḵan ditaḵu, amod pagay ḵabooḻana!” Ḵanan os da udum, “Ummali'ḵ Apudyus ta badangana ditaḵu we taguna!”

Acts 13:12

Innilan ḵad ni gobernor sanae naḵwa, namati ḵan Apu Jesus te nataag atte intuttududa mipanggob ḵan Apu.

Acts 18:19

Dummatongda ḵad ad Ephesus, lummogsadda'tte bapur sidi woḵ tinenana da Aquila ḵan Priscilla. Yaḵon ummunae mismu ummoy atte sinagoga ya naḵasossongbat atta Judyu.

Acts 18:21

Yaḵon anna ḵade umoyon ḵanana, “Mipauliyaḵ ḵan diḵayu nu pinion Apudyus.” Pun nambapur we ḵesan ad Ephesus.

Acts 19:1

Sa inninggawan ḵad Apollos ad Corinth, ummoy aḵ Paul ad Ephesus we naḻpu'd Phrygia we nangoy si beleg. Dummatong ḵad sidi, indasana da udume namati,

Acts 19:16

Pun induḵḵus ni naaḻanan dida woḵ naḵapatoy inggana'ḵ illogna dida. Unipun ummawiddae naḻpu'tte boḻoye amboboddang ḵan nasugasugatda.

Acts 19:18

Pun adu bos atta namati da nangibabawi'tta ḵoḵoḵḵonda.

Acts 2:43

Nataag da adu we tagu te adu da nakaskasdaaw ya sinyale naḵwa mipagapu'tta apostol.

Acts 5:11

Pun da losane namati ya da losane nangngoḻ atte naḵwa, amod pagay ḵimutda.

Acts 5:13

Da adipun namati maḵimutdae umoy midoga ḵan dida. Yaḵon patgan da tagu dida.

Acts 5:5

Dingngoḻ ḵad Ananias imbagan Peter, napittuwaḵ woḵ natoy. Pun nillumnoḵ da babaḻu woḵ binusdungda'tte luput long-agna woḵ ummoyda illibon. Da losane nangngoḻ atta naḵwa ḵan siya amod de ḵimutda.

Philippians 1:20

Igammuḵe taguwonaḵ gapu'tte namnamaḵ ya sa pioḵ pagay, adiyaḵpun mabain si sinagung Apudyus gapu si adiḵpun daydayawon yaḵon amo tumuḻodaḵ pagay sinsanae isuna awe ta mipagapu'tte long-agḵu midayaw aḵ Kristu, matattaguwaḵ man baḵon nu matoyaḵ.

2 Thessalonians 1:12

Ta madayaw aḵ Jesus we Apu taḵu gapu ḵan diḵayu ya madayaw ḵayu bos gapu ḵan siya. Maḵwa losan da sana gapu si ḵinabaḻun Apudyus ya aḵ Apu taḵu we Jesu Kristu.

2 Thessalonians 3:1

Susunudḵu ḵan Kristu, iluwaḻuwanyu ḵappos diḵani ta mapagatupane mipaigammu Ugud Apu atta udume tagu. Ḵad ipatogda oḵyan ya patiyondae isun ni ḵingwayu.