Acts 18:27 - Sa Ugud Apudyus

²⁷ Pion ḵad Apollos we dumoḻmang si baybaye umoy atte probinsiya'd Achaia, sinoḻgag da susunud ḵan Kristu ad Ephesus woḵ nanuḻatda'tta susunud ḵan Kristu ad Achaia ta mangiliyonda. Dummatong ḵad, adu da binadanganae namati mipagapu'tte ḵinabaḻun Apudyus.

Acts 18:27 ပူးပေါင်းရင်းမြစ်များ

Acts 1:15

Sin-aḻgawan ḵad, nandatdatong da namati ḵan Jesus we batug di naḻpaan aḵ duwampuḻu belangda. Pun summiḵad aḵ Peter woḵ ḵanana,

Acts 11:26

Indasana ḵad, intallayna'd Antioch. Sintawon inninggawanda sidi'tta namati ye naḵagimugimung ḵan nantuttududa'tta ummamdane tagu. Ad Antioch, ummunae naawagan da disipulu aḵ Kristianu.

Acts 15:34

Yaḵon simsimmoḵ Silas we inggaw ad Antioch.

Acts 18:12

Yaḵon nangobernor ḵad aḵ Gallio si probinsiya'd Achaia, nan-uunudan da Judyu we adipun namati ye iduḵḵusda doḵmaan aḵ Paul ya inniyoyda'tte dadaḻḻuman.

Acts 18:18

Nabayag ḵad inninggawan Paul ad Corinth, nampaḵada'tta susunud ḵan Kristu woḵ nambapur we ummoy ad Syria we binuḻunan da Aquila ḵan Priscilla. Ad Cenchreae, nampapuluḵ aḵ Paul ta mituttuwa insapatana ḵan Apudyus.

Acts 19:1

Sa inninggawan ḵad Apollos ad Corinth, ummoy aḵ Paul ad Ephesus we naḻpu'd Phrygia we nangoy si beleg. Dummatong ḵad sidi, indasana da udume namati,

Acts 9:27

Pun inniyoy Barnabas aḵ Saul atta apostol woḵ imbagana ḵan dida inon Saul we nangila ḵan Apu Jesus atte daḻan ya sa inon Jesus we naḵaug-uggud ḵan siya. Pun imbagana tuḻod Saul we nangiwaḻagawag mipanggob ḵan Jesus ad Damascus.

Romans 1:5

Mipagapu ḵan Jesu Kristu, impailan Apudyus ḵinabaḻuna ḵan saḵon woḵ nambalinaḵ aḵ apostol ta awisoḵ da tagu'tta losane ili ta tumuttuwada gapu si amatiyanda ḵan Jesus.

1 Corinthians 15:10

Yaḵon gapu'tte ḵinabaḻun Apudyus ḵan saḵon, binaliwanaḵ atte nambalinaḵ sinsadi, daḵampun aḵ ippun nambanagana. Sa naḵwa, nadaldallu pawotḵu we nanḵewaaḻ nu da udume apostol. Yaḵon daḵampun aḵ ḵingwaḵ da sadi gapu'tte mismu we ḵosdoḻḵu yaḵon gapu'tte ḵinabaḻun Apudyus we anna ḵan saḵon.

1 Corinthians 16:3

Dumutuḵ ḵayu'ḵ umoy angiyoy atte nadagupe badangyu'd Jerusalem. Ḵad nu dumatongaḵ anuḻataḵ ta angigammuwan da tagu'd Jerusalem we dida dinutuḵanyu.

1 Corinthians 3:6

Sa mipaniyana, isun di saḵon nangimuḻa si buḵoḻ ya aḵ Apollos nansilug yaḵon aḵ Apudyus namadaḵoḻ.

2 Corinthians 1:24

Daḵampun aḵ siya panggobni ipangatanni diḵayu mipanggob si pammatiyu. Yaḵon badanganni diḵayu ta amo lumayad ḵayu te ampigsa pammatiyu.

Philippians 1:25

Naippun duwaduwaḵ atte mipanggob si anna, pun igammuḵe adiyaḵpun matoye sana yaḵon inggawaḵ yan sina ta bumadangaḵ ḵan diḵayu ta pumigsa pammatiyu ḵan allaylayad ḵayu gapu'tte pammati.

Philippians 1:29

Te innatod Apudyus wayayu we daḵampun aḵ abus amatiyanyu ḵan Kristu yaḵon sa ampaḵaḻamanyu bos mipagapu'tte amatiyanyu ḵan siya.

Colossians 2:12

Te sa nabonyaganyu, isuyun nidoga nilibon ḵan Kristu. Ḵad mipagapu'tta pammatiyu'tte ḵabooḻan Apudyus we nanagu ḵan siya si natoyana, isun di nidoga ḵayu ḵan siya si ummuliyana.

Colossians 4:10

Aḵ Aristarchus we buḻunḵu we baḻud ya aḵ Mark we ḵapingsan Barnabas, pakumustaonda diḵayu. Inawatyu bilin atte mipanggob ḵan Mark, ḵad nu umali bumisita, mangiliyonyu we ustu.