Acts 18:23 - Sa Ugud Apudyus

²³ Inninggaw ḵad sidi si pigan aḻgaw, ummoy nanggaḵay atta losane ḵinailin di ili'tte probinsiya'd Galatia ya sa probinsiya'd Phrygia ta umoyna papigsaon pammatin da namati.

Acts 18:23 ပူးပေါင်းရင်းမြစ်များ

Luke 1:3

Saḵon ḵad, ummaḵ pinanoḵnoḵan da sadi'tte nabayage timpu ya simsimmoḵḵu bose ambaḻu on-ontagoḵ igili da losan para ḵan siḵa madaydayawe Theophilus.

Luke 22:32

Yaḵon illuwaḻuwaḵ siḵa Simon ta adi pammatim maabaḵ ḵad nu ansagungḵa ḵan saḵon, ḵasapuḻane papigsaom oḵyan pammatin da susunudnu we namati.”

Luke 22:43

Pun nampaila ḵan siya anghel we naḻpu'd langit woḵ pinaḵosdoḻna.

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Acts 15:32

Gapu ta profetan Apudyus da Judas ḵan Silas, adu da imbagadae masoḻgaganda ḵan pumigsaan ni pammatin da susunud ḵan Kristu.

Acts 15:41

Pun ummoyda'tta ili'd Syria ya ad Cilicia ta umoyda papigsaon pammatin da namati atta gimung.

Acts 16:40

Lummawa ḵad da Paul ḵan Silas si babaḻḻudan, ummoyda si boḻoy da Lydia. Pun innilada ḵad da susunud ḵan Kristu we nadagup sidi, sinoḻgagda dida woḵ ummoyonda.

Acts 16:6

Pun ummoy da Paul atte probinsiya'd Phrygia ya sa probinsiya'd Galatia te adimpun ni Ispiritu Santu iyyunud didae umoy angiwaḻagawag atte Ugud Apudyus si probinsiya'd Asia.

Acts 19:1

Sa inninggawan ḵad Apollos ad Corinth, ummoy aḵ Paul ad Ephesus we naḻpu'd Phrygia we nangoy si beleg. Dummatong ḵad sidi, indasana da udume namati,

Acts 2:10

Phrygia, Pamphylia, Egypt ya da udume saḵubna'd Libya we dogana'd Cyrene. Ḵad da mangili ye naḻpu'd Rome,

1 Corinthians 16:1

Nu sa mipanggob atte daguponyu we mibadang atta tagun Apudyus ad Jerusalem, siya ḵoonyu isun ni imbilinḵu'tta gimung da namati'tta ḵinailin di ili'tte probinsiya'd Galatia.

Galatians 1:2

Annaya suḻatḵu ḵan diḵayu'tta gimung da namati'tta ili'd Galatia. Da losane susunudḵu ḵan Kristu sinae namati, pakumustaonda bos diḵayu.

Galatians 1:9

Sana imbagani ḵan diḵayu si awe yaḵon iḵasinḵu bos ibaga, ngaimane angiwaḻagawag si nisabali si Ambaḻu we Damag we inawatyu si damu, madusa'ḵ inggana.

Galatians 4:14

Ḵad taḵon ay nu nampaḵaḻam ḵayu gapu si anḵuḵuyaaḵ, adiyupun inamsew baḵon nu indiyan saḵon. Yaḵon sa ḵingwayu, minangiliyaḵe isun di anghel Apudyus baḵon nu aḵ Jesu Kristu we mismu.

1 Thessalonians 3:2

Ḵad ibuunni'ḵ Timothy ye sunud taḵu ḵan Kristu ta siya umali ḵan diḵayu. Buḻunni ye anserbi ḵan Apudyus we angiwaḻagawag atte Ambaḻu we Damag mipanggob ḵan Kristu. Imbuunni ta papigsaona ya soḻgagona da pammatiyu,

1 Thessalonians 4:18

Pun an-asiliwliwa ḵayu we mipagapu'tta sanae ugud.

1 Thessalonians 5:14

Bilibilinonni bos diḵayu susunudḵu ḵan Kristu ta bagbagaanyu da baduuḻ, soḻgagonyu da allasu we madismaya, badanganyu da anḵuya pammatida ya anusanyu dida losan.