Acts 18:22 - Sa Ugud Apudyus

²² Nandissaag ḵad ad Caesarea, nanagada'd Jerusalem woḵ pinakumustana da namati ye magimugimung. Naabus ḵad, nan-osog ad Antioch.

Acts 18:22 ပူးပေါင်းရင်းမြစ်များ

Acts 10:1

Awad ad Caesarea tagu we nangngadan aḵ Cornelius, kapitan da suḻdadun da iRome we ngannonda Regiment da iyItaly.

Acts 10:24

Mabigat ḵad os dummatongda'd Caesarea. Inuuway Cornelius dida woḵ inayagana da susunudna ya da buḻbuḻunna.

Acts 11:11

“Sa sadi ye oras, dummatong da tuḻu we laḻaḵi si boḻoye inggawaḵ. Naḻpuda'd Caesarea we nibuunda'ḵ umoy angayag ḵan saḵon.

Acts 13:1

Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.

Acts 14:26

Misaḻad ad Attalia, nambapurdae nipauli'd Antioch we nangitaḻgodan da namati ḵan dida si ḵinabaḻun Apudyus gapu'tte ḵewaaḻe ginangputda.

Acts 15:23

Annaya suḻate indagasda, “Pakumustae naḻpu ḵan diḵani ye apostol ya da angipangpangu'tta namati ya da susunud ḵan Kristu sina'd Jerusalem. Annaya suḻatni ḵan diḵayu we Gentil we susunud ḵan Kristu sinat ad Antioch, Syria ya ad Cilicia.

Acts 15:30

Naabus ḵad suḻatda, pinaḻung-udda dida woḵ nan-osogda'd Antioch. Dummatongda ḵad, nandaḵdaḵngonda da namati woḵ innatodda suḻat.

Acts 15:35

Yaḵon da Paul ḵan Barnabas, inninggawda'd Antioch we nangituttudu ya nangiwaḻagawag atte Ugud Apu Jesus. Binadangan da adu we namati dida'tte ḵewaaḻda.

Acts 15:4

Dummatongda ḵad ad Jerusalem, minangilin da namati ye magimugimung dida, da apostol ya da angipangpangu. Pun imbagan da Paul da losane ḵingwan Apudyus ḵan dida.

Acts 23:23

Pune sadi, inayagan ni kumander da duwae kapitan woḵ ḵanana, “Isaganayu da duwanggasute suḻdadu, duwanggasut ose nantubay ya pitumpuḻu we angabayu ta iyoyyu'ḵ Paul ad Caesarea. Allibbat ḵayu'ḵ ḵugḵugab.

Acts 25:1

Naḻaḵpus ḵad tuḻun aḻgaw si inggan ni dummaḵngan Gobernor Festus ad Caesarea, ummoy ad Jerusalem.

Acts 25:9

Yaḵon gapu ta pion Festus we mas-om oḵyan da Judyu ḵan siya, ḵanana ḵan Paul, “Piom ḵad aine intaḵu'd Jerusalem ta sidi masumaḻyaam atta annae impabasuḻda ḵan siḵa?”

Acts 8:40

Yaḵon nan-imonga ḵad aḵ Philip anna'd Azotus. Ḵad da innoynae naḻpu'd Azotus, iwwaḻagawagna Ambaḻu we Damag atta adu we ili inggana'ḵ dummatong ad Caesarea.