Acts 17:26 - Sa Ugud Apudyus

²⁶ Aḵ Apudyus nangwa si ummunae tagu we sa naḻpuwan da losane kalasin di tagu'tte ḵinailin di ili si luta ya ḵingwana dida'ḵ inggaw si intero we luta. Inḵoddongna bos timpu ya da boddong da lugar we igawda.

Acts 17:26 ပူးပေါင်းရင်းမြစ်များ

Acts 14:17

Yaḵon adinapun iyyunude ippun anaḵdoḻ te ḵingwana ambaḻu. Innatodna udan ya sa adu we apit ya nangitod si adu we maḵan ta awad ḵat-opanyu ya lumayadanyu.”

Acts 15:18

Sana imbagan Apu we impaigammuna si awe.’ ”

1 Corinthians 15:22

Losane tagu matoy gapu'tte niyossaananda ḵan Adam. Isuna bose umuli da matoy gapu'tte niyossaananda ḵan Kristu.

1 Corinthians 15:47

Sa ummunae tagu iluta te luta naḻpuwana. Yaḵon sa naudi ye tagu ad langit naḻpuwana.

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.