Acts 17:14 - Sa Ugud Apudyus

¹⁴ Pun daguse imbuun da susunud ḵan Kristu aḵ Paul si taḻantag ni baybay yaḵon natenan da Silas ḵan Timothy sidi.

Acts 17:14 ပူးပေါင်းရင်းမြစ်များ

Matthew 10:23

Nu ampaḵaḻamonda diḵayu si osae ili, an-atun ḵayu si osae ili. Ibagaḵ ḵan diḵayu ḵatuttuwaan, nu dumatongaḵe Abeng Di Tagu, daanyupun gangputon da ḵewaaḻe paḵwaḵ ḵan diḵayu'tta losane ili'd Israel.”

Acts 1:15

Sin-aḻgawan ḵad, nandatdatong da namati ḵan Jesus we batug di naḻpaan aḵ duwampuḻu belangda. Pun summiḵad aḵ Peter woḵ ḵanana,

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 16:1

Ummoy os da Paul ḵan Silas ad Derbe ya ad Lystra. Sidi inninggawan Timothy ye osae namati. Namati bos inanae Judyu yaḵon Gentil amana.

Acts 17:10

Lummabi ḵad, daguse pinaoyon da susunud ḵan Kristu da Paul ḵan Silas ad Berea. Dummatongda ḵad sidi, ummoyda si sinagogan da Judyu.

Acts 17:15

Da laḻaḵi ye nangituḻud ḵan Paul nampatinggada'd Athens. Pun binilin Paul we mipaulida'd Berea ya ibagada ḵan da Silas ḵan Timothy ta ḵamaḵamanda umoy ḵan siya.

Acts 17:4

Naawis da udume Judyu, pun nidogada ḵan da Paul ḵan Silas. Nidoga bos da adu we Gentil we nandaydayaw ḵan Apudyus ya da mabigbige bubai.

Acts 17:6

Yaḵon adidapun ḵad naḵaodas ḵan da Paul ḵan Silas, binutbutda'ḵ Jason ya da udume susunud ḵan Kristu woḵ inniyoyda dida'tta papangat atte siyudad woḵ ḵanandae simpopoḵaw, “Da annae tagu guguluda'tta losane ili, annae ummalida bos sina.

Acts 18:5

Dummatong ḵad da Silas ḵan Timothy ye naḻpu'd Macedonia, impapatin Paul we nangiwaḻagawag si Ugud Apudyus ya pinanoḵnoḵana'tta Judyu we aḵ Jesus siya Kristu.

Acts 19:22

Pinaunana da duwae bumadang ḵan siya'd Macedonia, da Timothy ḵan Erastus, pun inninggaw yan aḵ sin-aḵitan si probinsiya'd Asia.

Acts 20:3

Inninggaw aḵ tuḻun buḻan sidi. Yaḵon annapun oḵyane ambapur we umoy ad Syria, inigammunae nan-uunudan da Judyu we gongatonda. Pun simsimmoḵnae mipauli angoy ad Macedonia.

Acts 9:25

Yaḵon sillabiyan ḵad innaḻan da namati daḵoḻe batawil woḵ iggada'ḵ Saul pun impaoyda si nitaange ḵabitin ni siyudad woḵ inuyudda'tte lasin ni ḵabiti inggana'tte luta.

Acts 9:30

Inigammun ḵad da susunudna ḵan Kristu, inniyoyda'd Caesarea woḵ imbuunda'tte siyudad ad Tarsus.

1 Timothy 1:3

Timothy, adim maliwatan imbagaḵ ḵan siḵa si ayonaḵ ad Macedonia. Ḵodawoḵ ḵan siḵae inggawḵa'd Ephesus ta bilinom da udume tagu sinat ta agaydae angituttudu si tinutuli ye tuttudu.

Titus 1:5

Sa gapun ni nanenaḵ ḵan siḵa'd Crete, uḻnusom yan da daampun miyuḻnus ya dutuḵam da angipangpangu'tta gimung atta losane ili. Sosomḵom da imbilinḵu.