Acts 16:30 - Sa Ugud Apudyus

³⁰ Pun illawana dida woḵ ḵanana, “Apu, ngai ḵasapuḻane ḵooḵ ta mataguwaḵ?”

Acts 16:30 ပူးပေါင်းရင်းမြစ်များ

Matthew 3:8

Adipun paat maḵwa te ḵasapuḻane ḵoonyu da losan ta ipailayu we tuttuwae imbabawiyu da basuḻyu ya agayyu we angwa.

Matthew 5:7

Pian da tagu we ḵumadagu'tta asintataguda te ḵadaguwan os Apudyus dida.

Luke 3:10

Gapu'tte sadi, amod da tagu we ḵanandae nangim-imus, “Ḵad umpay, ngai ḵoonni?”

Acts 14:15

“Susunud, ngaipayu ḵoon ḵaḵnat? Tagu ḵani bose isuyu. Ummali ḵani sina ta iwaḻagawagni ḵan diḵayu Ambaḻu we Damag ta an-awidanyu da annae ippun anudae sinan-apudyus ta amati ḵayu ḵan Apudyus we matattagu we nangwa si langit, luta, baybay ya da losane awad.

Acts 16:17

Nitun-ud babaḻasang ḵan diḵani ḵan Paul woḵ ḵananae nangiyipḵaw, “Da annae tagu sammilun ni Ḵangatuwane Apudyus! Iwaḻagawagda ḵan diḵayu daḻan ni mataguwan!”

Acts 16:24

Pun inniyoyna dida si uḵuḵ ni babaḻḻudan woḵ ḵanselanda da suḵida'tte andagsone ḵayu.

Acts 2:37

Dingngoḻ ḵad da adu we tagu imbagan Peter, amod de babawida woḵ ḵananda ḵan Peter ya da udume apostol, “Susunude ganaḵ Israel, ngai ḵoonni?”

Acts 22:10

“Pun ḵanaḵ ose nan-imus, ‘Apu, ngai ḵooḵ?’ “Ḵanan Apu ḵan saḵon, ‘Lumibbatḵa ta inḵa'd Damascus te awad sidi angibaga'tta losane simsimmoḵḵu paḵwa ḵan siḵa.’

Acts 9:6

Yaḵon allibbatḵa ta inḵa si siyudad ḵad awad de angibaga ḵan siḵa si ḵasapuḻane ḵoom.”

James 2:13

Te nu anḵuwis aḵ Apudyus, adinapun ḵadaguwan da adipun ḵumadagu. Yaḵon ḵadaguwana da ḵumadagu ta adida umogyat nu anḵuwis.