Acts 16:26 - Sa Ugud Apudyus

²⁶ Pune sadi baag-en inninggaw ampaḵimute lunig woḵ nayyugayug nisaadan ni babaḻḻudan pun daguse naamin nabuḵtan da onob woḵ nauḵayag lawa da ḵawad da losane baḻud.

Acts 16:26 ပူးပေါင်းရင်းမြစ်များ

Matthew 28:2

Pune sadi, baag-en inniggana ampigsapigsae lunig te nan-osog anghel Apudyus we naḻpu'd langit. Pun niligadna batu we onob ni libon woḵ tummuḵduwana.

Acts 12:10

Nilausanda ḵad de ummuna ya sa ḵumagwae guwaḻda, dummatongda si baḻyange lewangane umoyon atte siyudad. Nabuḵtan lawa lewangan woḵ lummawada. Anadtaddaḻanda ḵad si osae ḵaḻsa, baag-en tinenan ni anghel.

Acts 12:7

Baag-en nampaila anghel Apu woḵ nasilawan kuwartu we inggawan Peter. Pineḵpeḵ ni anghel aḵ Peter we namangon woḵ ḵanana, “Ganasom! Bumangonḵa!” Pun daguse naottag da ḵawad ni imana.

Acts 4:31

Nalluwaḻuda ḵad, nayyugayug boḻoye nadagupanda. Pun ummoy ḵabooḻan ni Ispiritu Santu ḵan dida woḵ tummuḻoddae nangiwaḻagawag si Ugud Apudyus.

Acts 5:19

Yaḵon lummabi ḵad, binuḵtan ni anghel Apu onob ni babaḻḻudan woḵ illawana dida woḵ ḵanana,

Revelation 11:13

Sa sadi ye oras, inggaw os ummamdane lunige anadail atte ḵasimpuḻun ni sadi ye siyudad woḵ sadi nanḵaḵatoyan da pitullibu we tagu. Pun ummogyat da nabun-an woḵ andayawda'tte ḵinangatun Apudyus we awad ad langit.

Revelation 6:12

Niloḵtan ḵad ni Ubbu we Karnero ḵumanome maḻḵan ni naḻuḵube ḵopel, baag-en inninggaw ampigsapigsae lunig. Sa init ḵad, gummiḵbote isun ni ngitite sinnun, sa langngayae soḻag, dummilaage isun di daḻa.