Acts 16:25 - Sa Ugud Apudyus

²⁵ Anna ḵade gumawallabi, nalluluwaḻu ḵan nanḵanḵanta da Paul ḵan Silas we andaydayaw ḵan Apudyus. Pun nandodongngoḻ da buḻundae baḻud ḵan dida.

Acts 16:25 ပူးပေါင်းရင်းမြစ်များ

Luke 22:44

Ḵad gapu'tte ummamdane ampaḵaḻamana, pummangoge nalluwaḻu woḵ sa lingotna isunan daḻae nantottod si luta.

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 16:19

Innilan ḵad da apunae naippun ogon namnamaonda angaḻ-an aḵ pilaḵda, dinoḵmaanda da Paul ḵan Silas woḵ binutbutda dida'tte lugar we andaḵdaḵngan da adu we tagu atte sinagung da papangat ni ili.

Acts 16:33

Sa sadi ye gawallabi, impuyut ni guwaḻda dida si igaw ni danum ta baḻbaḻana da sugatda. Nagangput ḵad, daguse nampabonyag ya da losane ḵabaḻyanna.

Acts 5:41

Tinenan ḵad da apostol da ḵuḵunsisaḻ, amod de layadda te imbelang Apudyus didae labbongdae mapaḵaḻam ḵan mibabbain gapu ḵan Jesus.

Romans 12:12

Gangganasonyu namnamayu, anuanusanyu da ampaḵaḻamanyu ya ipapatiyu we alluwaḻu.

Romans 5:3

Daḵampun aḵ abus da sadi'ḵ allaylaydan taḵu yaḵon allaylayad taḵu'tta ampaḵaḻaman taḵu te igammu taḵu we sa ampaḵaḻaman siya ibungana ḵan ditaḵu ḵinaattom.

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

Ephesians 5:19

Te nu siya angidaḻan si somsomoḵyu, magimung ḵayu ḵad, ḵantaonyu da ḵantae naḻpuda'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus. Ḵad daḵampun aḵ abus sungadyu'ḵ angiḵanta yaḵon maḻpu oḵyan si pusuyu.

Philippians 2:17

Ḵad gapu ta madam-an angongatanda ḵan saḵon, allaylayadaḵ taḵon ay nu ḵasapuḻane mibuḵbuḵ daḻaḵe midoga si datune midatun gapu si pammatiyu ḵan Apudyus. Pun maḵagangganasaḵ ḵan diḵayu losan.

Colossians 1:24

Sinsadi allaylayadaḵ atta ampaḵaḻamaḵ te igammuḵe bumaḻuwanyu te da sanae ampaḵaḻamaḵ dogan ni ampaḵaḻamane nilaḵ-am Kristu para'tta losane namati ye isun di long-agna.

Hebrews 5:7

Sa inninggawan Jesus si annae lubung, indangsoḻna iyyibile nalluwaḻu ḵan nanḵodaw ḵan Apudyus we ḵallamog anagu ḵan siya si ḵatoy. Pun dingngoḻ Apudyus luwaḻuna te tummuttuwa ya impakumbabana long-agna.

James 1:2

Susunudḵu ḵan Kristu, ibelangyu we allaylayad ḵayu nu mapadasyu da nansabasabali ye padas atte biyagyu,

James 5:13

Awad ḵamman osa ḵan diḵayu'ḵ ampaḵaḻam? Alluwaḻu oḵyan. Awad ḵamman os allaylayad? Anḵanta oḵyan atta pammadayaw ḵan Apudyus.

1 Peter 4:14

Pian ḵayu nu maang-angyag ḵayu gapu si pammatiyu ḵan Kristu te sadi angigammuwanyu we iinggaw ḵan diḵayu madaydayawe Ispiritun Apudyus.