Acts 16:19 - Sa Ugud Apudyus

¹⁹ Innilan ḵad da apunae naippun ogon namnamaonda angaḻ-an aḵ pilaḵda, dinoḵmaanda da Paul ḵan Silas woḵ binutbutda dida'tte lugar we andaḵdaḵngan da adu we tagu atte sinagung da papangat ni ili.

Acts 16:19 ပူးပေါင်းရင်းမြစ်များ

Matthew 24:9

“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon.

Mark 13:9

“Ummanyu te doḵmaanda ḵan idaḻum diḵayu'tta ḵuḵunsisaḻ ya aplitonda diḵayu'd daḻom atta sinagoga. Gapu'tte pammatiyu ḵan saḵon, midaḻum ḵayu bos atta gobernor ya da ari ḵad maittan ḵayu'ḵ gundawaye angiwaḻagawag atte Ambaḻu we Damag ḵan dida.

Acts 14:19

Yaḵon dummatong sidi da Judyu we naḻpu'd Antioch ya ad Iconium woḵ inawisda da aduadu we tagu ta batubatuwonda'ḵ Paul ya butbutonda si lasin ni siyudad te ḵanandapun nu natoy.

Acts 14:5

Pun nantutuḻag da Judyu ya da Gentil ya da papangatdae ampaḵaḻamonda ya batubatuwonda dida inggana'ḵ matoyda.

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 15:26

we nangipusta'tta biyagda mipagapu ḵan Apu taḵu we Jesu Kristu.

Acts 15:40

Yaḵon pinilin Paul aḵ Silas aḵ buḻunna. Intaḻgod da susunud ḵan Kristu dida'tte ḵinabaḻun Apu woḵ nallibbatda.

Acts 16:16

Sin-aḻgawan ḵad atte ayanni si luluwaḻuwan, inabotni babaḻasange musassu we allainge ampadtu te ambubuyun. Gapu'tte laingnae ampadtu, adu pilaḵe maaḻan da apuna.

Acts 16:20

Inniyoyda ḵad dida si igaw da opisyal da iRome, ḵananda, “Da annae Judyu, dida gugulu si siyudad taḵu,

Acts 16:25

Anna ḵade gumawallabi, nalluluwaḻu ḵan nanḵanḵanta da Paul ḵan Silas we andaydayaw ḵan Apudyus. Pun nandodongngoḻ da buḻundae baḻud ḵan dida.

Acts 16:29

Pun nampaidatong guwaḻda'ḵ silaw. Indatongda ḵad ay, daguse nillumnoḵ si igaw da Paul ḵan Silas woḵ nanalluḵu we amilpilpil si ḵimutna'tte sinagungda.

Acts 17:6

Yaḵon adidapun ḵad naḵaodas ḵan da Paul ḵan Silas, binutbutda'ḵ Jason ya da udume susunud ḵan Kristu woḵ inniyoyda dida'tta papangat atte siyudad woḵ ḵanandae simpopoḵaw, “Da annae tagu guguluda'tta losane ili, annae ummalida bos sina.

Acts 21:30

Pun nagulu da umili woḵ sintotoddaḵdae ummoy si paway ni templo. Pun dinoḵmaanda'ḵ Paul woḵ binutbutda si lasin ni templo woḵ daguse iyyonobda lewangan.

Acts 8:3

Yaḵon aḵ Saul iggaigganae namaḵaḻam atta namati ye magimugimung ḵad linnoḵna da boḻoyda woḵ nalluyluy atta laḻaḵi ḵan da bubai pun impaibaḻudna dida.

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

2 Corinthians 6:5

Annaya da udume ampaḵaḻamane nilaḵ-amni. Nangampigae naap-aplit ḵani, nibaḻud ḵani, ginulugulun diḵani, maayoayong ḵani'tta ḵoonni, mapuyapuyatan ḵani ḵan mauḻauḻat ḵani.

Philippians 1:30

Ḵad sa ampaḵaḻamanyu we angitaḵdoḻ si ḵatuttuwaan ni Ambaḻu we Damag, isun ni nampaḵaḻamaḵe nangitaḵdoḻ si awe ye innilayu ḵan dingngoḻyu we maḵmaḵwa ḵan saḵon sinsana.

1 Thessalonians 2:2

Te inigammuyu we taḵon ay nu nampaḵaḻamon ya inang-angyagda diḵani sidi'd Philippi si daanni ayan sinat ad Thessalonica, innatod Apudyus tuḻodni ye nangiwaḻagawag ḵan diḵayu si Ambaḻu we Damag we naḻpu ḵan siya taḵon ay adu da summullagi ḵan diḵani.

1 Timothy 6:10

Te sa ḵamommod da tagu si pilaḵ, siya maḻpuwan da losane kalasin di lawweng. Ḵad gapu si ḵamommod, nan-awidan da udume tagu pammatida ḵan Apudyus, ḵad ampaḵaḻamda si adu we salidudun da somsomoḵda.

James 2:6

Yaḵon diḵayu ḵad, ibabbainyu da ḵapus. Daḵampun ḵamman atta babaḵnang da amaḵaḻam ḵan angidaḻum ḵan diḵayu?