Acts 16:18 - Sa Ugud Apudyus

¹⁸ Adu aḻgawe nangwaana'tta ḵaḵna inggana'ḵ nappog aḵ Paul. Nantawili si babaḻasang woḵ ḵanana si aḻan, “Gapu'tte ḵabooḻan Jesu Kristu, ibagaḵ ḵan siḵa lumawaḵa ḵan siya!” Pun daguse lummawa aḻan.

Acts 16:18 ပူးပေါင်းရင်းမြစ်များ

Matthew 14:24

ya da disipulunae nambangka, adayuda si taḻantag ni baybay. Baag-en bummali woḵ amod de tupiyaḵe tupatupaḵana bangkada te niyabot ḵan dida ampigsae bibbid.

Mark 1:34

Pun ḵinaanna da losane kalasin da saḵitda ya pinaḻyawna bos da aḻan atta naaḻanan yaḵon pinaginoḵna didae an-ugud te inigammuda'ḵ Jesus.

Mark 16:17

Annaya da nakaskasdaawe sinyale ipailan da amati. Paḻyawonda da aḻan si angusaranda'tte ngadanḵu ya an-uguda'tta udume ugude adidapun igammu.

Luke 9:1

Sin-aḻgawan ḵad, inayagan Jesus da nasawaḻan aḵ duwae disipuluna woḵ ittana dida'ḵ ḵaḻabbongan ḵan ḵabooḻane amaḻyaw atta losane aḻan ya angaan atta saḵit,

Acts 3:6

Yaḵon ḵanan Peter, “Ippun pulus pilaḵḵu yaḵon sa awad ḵan saḵon, siya ittoḵ. Mipagapu'tte ḵabooḻan Jesu Kristu we iNazareth, anaddaḻanḵa.”

Acts 9:34

Ḵanan Peter ḵan siya, “Aeneas, ḵaanon Jesu Kristu saḵitnu. Bumangonḵa ta luḵubom oboḵnu!” Pun daguse bummangon.

Colossians 2:15

Ḵad gapu'tte natoyan Kristu atte kros, ḵinaan Apudyus ḵabooḻan ḵan ḵaḻabbongan ni adipun maila ḵad impailanae illogna dida si antotollong da losan.