Acts 15:19 - Sa Ugud Apudyus

¹⁹ Pinagatupan James woḵ ḵanana, “Sa ḵasomsomḵaḵ, adi taḵu oḵyan ampaḵaḻamon da Gentil we ansagung ḵan Apudyus.

Acts 15:19 ပူးပေါင်းရင်းမြစ်များ

Acts 15:10

Sinsadi, ngaipayu padason aḵ Apudyus atte angibag-anyu we ḵasapuḻane tuttuwaonda da losane ugali taḵu? Te taḵon ay da danaḵḵoḻ taḵu ya ditaḵu sinsana, aditaḵupun lamog tuttuwaon dida.

Acts 15:24

Dingngoḻni ye annat da udume grupuni ye ummoy sinat nantuttudu ḵan diḵayu ḵad da intuttududa nasaliduduwan da somsomoḵyu. Yaḵon ippun innatodni ḵan dida'ḵ ḵaḻabbongane angwa'tte ḵatti.

Acts 15:28

Te sa pionni ye ibaga ḵan diḵayu, siya bos pion ni Ispiritu Santu te impaspasmoḵna ḵan diḵani ye umadini ampaḵaḻamon diḵayu gapu'tte ipatutni ye unudonyu da ugalini. Abus da annae bilin aḵ ḵasapuḻane tuttuwaonyu.

Acts 21:21

Imbagada mipanggob ḵan siḵae intuttudum atta losane Judyu we naḵaumili'tta Gentil we iwaḻangda da lintog Moses ya adida pasogyat da abengda ya adida unudon ugali taḵu we Judyu.

Acts 21:25

Yaḵon da Gentil we namati ḵan dida ginangputni indagas suḻate simsimmoḵni ye nan-uunudanni ye apostol. Adida oḵyan ḵanon da midatun atta sinan-apudyus, ḵasapuḻane adida ḵanon daḻa ya da ayame adipun nidaḻaan ya adida maḵadagdagas.”

Acts 26:20

Te ummunae iwwaḻagawagḵu'tta tagu'd Damascus inggana'd Jerusalem ya da losane ili'tte probinsiya'd Judea ya da Gentil ta ibabawida oḵyan da basuḻda ya ansinagungda ḵan Apudyus ḵad ḵoonda ambaḻu we mibagay si nambabawiyanda.

Galatians 2:4

Ummoy ḵani sidi gapu'tta allolloḵḵone namatida ḵan Kristu, da sanae tagu nidogada ḵan diḵani ta ansiputda ta igammuwonda nawayawayaanni gapu'tte niyossaananni ḵan Jesu Kristu. Piondae ambalin ḵani'ḵ musassu.

1 Thessalonians 1:9

On didae mismu nangug-uggud atte inonyu we nammangili ḵan diḵani ya sa inonyu bose nangiyagaye amati'tta sinan-apudyus woḵ ansagung ḵayu anserbi'tte tuttuwa ḵan matattagu we Apudyus.