Acts 15:13 - Sa Ugud Apudyus

¹³ Naabusda ḵad nan-uugud, nan-ugud aḵ James woḵ ḵanana, “Susunud ḵan Kristu, dongngonyu saḵon.

Acts 15:13 ပူးပေါင်းရင်းမြစ်များ

Mark 15:40

Inninggaw os da bubai ye nan-oottap. Dida da Mary Magdalene ya aḵ Mary ye inan da Joses ḵan James we nginadananda'ḵ ḵaabengan ya aḵ Salome.

Acts 12:17

Pun sininyasan Peter dida ta giginnoḵda woḵ inug-uggudna inon Apudyus we nangilawa ḵan siya'tte babaḻḻudan. Pun ḵanana, “Ibagayu ḵan James ya da udume susunud taḵu ḵan Kristu.” Pun ḵesan woḵ ummoy atta udume lugar.

Acts 15:14

Inugud Simon Peter ḵan ditaḵu inon Apudyus si damu we nangipaila si ḵadaguna'tta Gentil te pinilina da udum ḵan dida'ḵ ambalin aḵ taguna.

Acts 2:14

Pune sadi, summiḵad aḵ Peter ya da nasawaḻane apostol woḵ indangsoḻnae gumminga woḵ ḵanana, “Ḵailiyaḵe Judyu ya da losane ummili'd Jerusalem, andongoḻ ḵayu ta ipaḵaawatḵu pion ni sana ḵanan.

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

Acts 2:29

Pun ḵanana, “Susunudḵu we ganaḵ Israel, antaḻgodaḵe angipaigammu ḵan diḵayu we aḵ Ari David we daḵdaḵoḻ taḵu natoy woḵ nilibon. Ḵad sa libonna awad ḵan ditaḵu inggana sinsanae aḻgaw.

Acts 21:18

Mabigat ḵad, ummoyni ḵan da Paul innila'ḵ James. Wadawad sidi da losane angipangpangu'tta namati.

Acts 22:1

Ḵanana, “Diḵayu we aammaḵ ḵan susunudḵu we ganaḵ Israel, dongngonyu songbatḵu ḵan diḵayu.”

Acts 7:2

Ḵanan Stephen, “Aamma ḵan susunude ganaḵ Israel, dongngonyu ud annae ibagaḵ. Sa awe, aḵ Apudyus we maḵabooḻ atta losan nampaila ḵan Abraham we daḵdaḵoḻ taḵu si inninggawana'd Mesopotamia si daanna ayan ad Haran,

Galatians 1:19

Yaḵon da innilaḵe apostol, abus aḵ Peter ya aḵ James we sunud Apu.

Galatians 2:12

Te sa ḵaddaḵngana, patilayune miyubung atta susunud taḵu we Gentil. Pun dummatong ḵad da imbuun James, insaḻadnae nangiyagaye miyubung ḵan dida te maḵimut atte grupun da namati ye Judyu we angipatute mituttuwa lintog Moses.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.

James 1:1

Kumusta ḵayu? Saḵon aḵ James we sammilun Apudyus ya aḵ Apu Jesu Kristu. Annaya suḻatḵu'tta Judyu we namati ye naas-asipaḻaḵ atta udume ili.

James 1:19

Ay-ayatoḵe susunud ḵan Kristu sosomḵonyu annae ibagaḵ, pion taḵu pasig taḵu andongoḻ yaḵon noan taḵu oḵyane an-ugud ya adi allasu sumang-an taḵu.