Acts 13:50 - Sa Ugud Apudyus

⁵⁰ Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida.

Acts 13:50 ပူးပေါင်းရင်းမြစ်များ

Matthew 10:23

Nu ampaḵaḻamonda diḵayu si osae ili, an-atun ḵayu si osae ili. Ibagaḵ ḵan diḵayu ḵatuttuwaan, nu dumatongaḵe Abeng Di Tagu, daanyupun gangputon da ḵewaaḻe paḵwaḵ ḵan diḵayu'tta losane ili'd Israel.”

Mark 15:43

inggaw aḵ Joseph we iyArimathea we intuḻodnae ummoy ḵan Pilate ta ḵodawona ladag Jesus. Aḵ Joseph, osa'tta madaydayawe pangat da Judyu we nanguuway atte dumaḵngan ni ampangatan Apudyus.

Mark 5:17

Pun insaḻaddae nandagdagu ḵan Jesus ta tenana ilida.

Acts 13:43

Lummawa ḵad da tagu we naḻpu'tte sinagoga, adu da nibuḻun ḵan da Paul ḵan Barnabas we Judyu ya da Gentil we nangunud atta ugalin da Judyu. Naḵaug-uggud da Paul ḵan dida woḵ nandagdaguda ḵan dida ta pagatupandae antaḻgod si ḵinabaḻun Apudyus.

Acts 13:45

Yaḵon innilan ḵad da Judyu da aduadu we tagu, amod de aposda. Pun sinullagida da imbagan Paul woḵ nan-uguugudanda'ḵ lawweng.

Acts 14:19

Yaḵon dummatong sidi da Judyu we naḻpu'd Antioch ya ad Iconium woḵ inawisda da aduadu we tagu ta batubatuwonda'ḵ Paul ya butbutonda si lasin ni siyudad te ḵanandapun nu natoy.

Acts 14:2

Yaḵon da Judyu we adipun tummuttuwa gapu si adidapun namatiyan, sinubsubda da Gentil ta paḻawengonda da somsomoḵ da susunud ḵan Kristu.

Acts 14:4

Yaḵon da tagu si sadi ye siyudad, nanggogwada. Da udum ummapyuda'tta Judyu we adipun namati ya da udum os ummapyuda'tta apostol.

Acts 14:5

Pun nantutuḻag da Judyu ya da Gentil ya da papangatdae ampaḵaḻamonda ya batubatuwonda dida inggana'ḵ matoyda.

Acts 16:14

Osa'tta nandongoḻ ḵan diḵani'ḵ Lydia we iThyatira we allaḵlaḵu'tta nanginginae sinnun ya andaydayaw ḵan Apudyus. Nandodongngoḻ ḵad, sinilawan Apu somsomoḵna woḵ namati.

Acts 17:12

Pun namati da adu ḵan didae midoga da adu we Greek we laḻaḵi ya da mabigbige bubai.

Acts 17:13

Yaḵon inigammun ḵad da Judyu'd Thessalonica we iwwaḻagawag Paul Ugud Apudyus ad Berea, ummoyda sidi woḵ subsubonda da tagu ta angguluda.

Acts 17:17

Pun ummoy atte sinagoga naḵasossongbat atta Judyu ya da Gentil we nanaydayaw ḵan Apudyus. Inaḻgaw ose ummoy atta lugar we andaḵdaḵngan da adu we tagu ya naḵasossongbat atta tagu we inggaw sidi.

Acts 17:4

Naawis da udume Judyu, pun nidogada ḵan da Paul ḵan Silas. Nidoga bos da adu we Gentil we nandaydayaw ḵan Apudyus ya da mabigbige bubai.

Acts 18:7

Pun tinenan Paul dida sidi woḵ ummoy si boḻoy ni osae Gentil we Titius Justus ngadannae andaydayaw ḵan Apudyus. Sa boḻoyna awad si daḻnig ni sinagoga.

Acts 2:5

Sa sadi ye timpu, inninggaw da ummili'd Jerusalem we Judyu we namati ḵan Apudyus we naḻpu'tta nansabasabali ye ili si lubung.

Acts 21:27

Anna ḵade madam-an magangput pitun aḻgaw, inggaw da Judyu we naḻpu'd Asia we nangila ḵan Paul si templo. Pun sinugsuganda da amode tagu woḵ dinoḵmaanda'ḵ Paul,

Acts 28:17

Naḻaḵpus ḵad tuḻun aḻgaw, impaayag Paul da papangat da Judyu we inggaw ad Rome. Nandatdatongda ḵad, ḵanana ḵan dida, “Susunudḵu we ganaḵ Israel, taḵon ay nu ippun ḵingwaḵ aḵ lawweng atta ḵailiyan taḵu baḵon nu nilisalisḵu'tta ugalin da danaḵḵoḻ taḵu yaḵon dinoḵmaanda saḵon ad Jerusalem woḵ impuḻangda saḵon atta iRome.

Acts 6:12

Pun pinasangada da tagu, da pallakayon da Judyu ya da mimistulun ni lintog. Pun dinoḵmaanda'ḵ Stephen woḵ inniyoyda si sinagung da ḵuḵunsisaḻ.

Acts 8:1

Aḵ Saul ḵad, iyyunudna nagongatan Stephen. Sadi nangisaḻdandae namaḵaḻam atta namati ye magimugimung ad Jerusalem. Pun nabuḵaḻda'tta adu we ili si probinsiya'd Judea ḵan Samaria, malaksid da apostol.

Romans 10:2

Mataḵdoḻaḵe isisimoḵdae anserbi ḵan Apudyus yaḵon adidapun igammu ustu we inondae anserbi ḵan siya.

2 Corinthians 11:26

Ippun adi naḵwa ḵan saḵone ḵaog-ogyat atta nambabbaataḵ, isun da dinaḵoḻ da tawwang ya da tulisan atta daḻan. Inggaw os da ḵaog-ogyate ḵingwan da ḵailiyaḵe Judyu ḵan saḵon ya taḵon ay os da Gentil. Ḵaog-ogyat os naḵwa ḵan saḵon atta siyudad ya sa bumbummaaw, sa baybay ya ḵaog-ogyat da ḵingwan da ḵapappailae susunud taḵu ḵan saḵon.

1 Thessalonians 2:14

Te diḵayu ḵad susunud, nampaḵaḻam ḵayu gapu'tta ḵailiyanyu we isun ni naḵwa'tta gimung da namati ḵan Apudyus atte probinsiya'd Judea we da niyossaan ḵan Jesu Kristu te nampaḵaḻamon os da susunuddae Judyu dida.

2 Timothy 3:11

Igammum os da losane naḵwa ḵan saḵon ad Antioch, Iconium ya ad Lystra we ummamdan nampaḵaḻamaḵ. Yaḵon sinaḻaḵnibanaḵ ḵan Apudyus.