Acts 13:38 - Sa Ugud Apudyus

³⁸ “Pun mipaigammu ḵan diḵayu susunudḵu we ganaḵ Israel we sa iwaḻagawagni ye mipagapu ḵan Jesus, mapakawan da basuḻyu.

Acts 13:38 ပူးပေါင်းရင်းမြစ်များ

Matthew 1:21

Umanaḵ aḵ laḻaḵi ḵad ngadanam aḵ Jesus te taguwona da taguna ta adida madusa'tta basuḻda.”

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

Acts 10:43

Da losane profetan Apudyus si awe, tinaḵdoḻanda mipanggob ḵan Jesus ta ngaimane amati ḵan siya mapakawan da basuḻda mipagapu'tte ngadanna.”

Acts 2:14

Pune sadi, summiḵad aḵ Peter ya da nasawaḻane apostol woḵ indangsoḻnae gumminga woḵ ḵanana, “Ḵailiyaḵe Judyu ya da losane ummili'd Jerusalem, andongoḻ ḵayu ta ipaḵaawatḵu pion ni sana ḵanan.

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

Acts 28:28

Pun pioḵe ipaigammu ḵan diḵayu we awad de imbuun Apudyus we umoy angibaga'tta Gentil si inon Apudyus we anagu'tta tagu ḵad andongoḻda.”

Acts 4:10

dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

Ephesians 1:7

Te gapu si pummoy-asan ni daḻan Jesu Kristu si natoyana, nasubut taḵu we piona ḵanan napakawan da basuḻ taḵu. Sana nail-an ni ummamdane ḵinabaḻun Apudyus

Ephesians 4:32

yaḵon an-asianggom ḵayu, an-asibadang ḵayu, an-asiḵadagu ḵayu ḵan an-asipakawan ḵayu we isun ni namakawanan Apudyus ḵan diḵayu gapu ḵan Kristu.

Colossians 1:14

we sa nanubut ḵan ditaḵu, sa piona ḵanan napakawan da basuḻ taḵu.

Hebrews 8:6

Yaḵon sa ḵewaaḻe naatod ḵan Jesus, nangatngatu nu da ḵewaaḻ da ummunae papadi te siya angiyugud si nabaḻbaḻu we tuḻag Apudyus atta tagu. Nabaḻu Baru we Tuḻag Apudyus nu sa Dadaane Tuḻag te nibatay si nabaḻu we inkarina.

Hebrews 9:22

Sa ḵatuttuwaan, ḵanan ni lintoge tigangay ta losane banag ḵasapuḻane papoḻḵason ni daḻa, ḵad nu ippun pumoy-as aḵ daḻa, ippun os mapakawan aḵ basuḻ.

1 John 2:12

Nanuḻataḵ ḵan diḵayu we aabengḵu te napakawan da basuḻyu gapu ḵan Jesu Kristu.