Acts 13:29 - Sa Ugud Apudyus

²⁹ Ginangputda ḵad intuttuwa da losane nigili si mipanggob ḵan siya, ummoyda inopas long-agna'tte kros woḵ ummoyda illibon.

Acts 13:29 ပူးပေါင်းရင်းမြစ်များ

Mark 15:42

Lummabi ḵad si ansaganaan da Judyu para'tte umillongane sa mabigat,

Luke 23:50

Inninggaw laḻaḵi ye nangngadan aḵ Joseph we iyArimathea we osae ili si probinsiya'd Judea. Siya ḵad, ambaḻu ya naun-unan, pasigna uuwayon dumaḵngan ni ampangatan Apudyus. Osa'tta ḵuḵunsisaḻ yaḵon adipun ummapyu si nan-uunudan da buḻunna ya sa ḵingwada ḵan Jesus.

Luke 23:53

Pun ummoyna impas atte kros woḵ putiputana'tte itaḵe sinnun woḵ asinaot ummoy illibon si liyange ḵaḵḵopyae natiḵitiḵane batu we naippun nilibon.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

John 19:28

Inigammun ḵad Jesus we ginanggangputna da losan ḵanana, “Nauwawaḵ,” ta mituttuwa nigili ye Ugud Apudyus.

John 19:30

Sinusup ḵad Jesus ḵilom ḵanana, “Naganggangput.” Pun nayyung-ut woḵ natoy.

Acts 13:27

Te da tagu'd Jerusalem ya da papangatda, adidapun immatunane aḵ Jesus baḵon nu naawatan da imbagabagan da profetan Apudyus we basabasaonda'tta umillongan da Judyu. Pun dida nangituttuwa'tta imbagan da profetan Apudyus si nangoddonganda ḵan Jesus aḵ matoy.

Acts 2:23

Aḵ Jesus, gagangaye simsimmoḵ Apudyus we ipuḻangna ḵan diḵayu te siya inḵoddongna si awe. Ḵad diḵayu, impaipattoḻyu'tte kros ya impagongatyu'tta tagu.

Acts 26:22

Inggana sinsadi binadangan Apudyus saḵon, pun annaaḵ sinae tataḵdoge anaḵdoḻ atta losane tagu, nababa man ḵan nangatu. Ḵad naippun udum aḵ dam-oḵ ibaga yaḵon da imbagan Moses ya da udume profetan Apudyus si awe ye mituttuwa'tte umali ye aḻgaw.

Acts 4:28

Ḵad ḵingwada da ngaimane simsimmoḵnu si awe mipagapu'tte ḵabooḻam ḵan piome maḵwa.

Acts 5:30

Sa Apudyus da danaḵḵoḻ taḵu tinaguna'ḵ Jesus we gingngatyu si nangipattoḻanyu'tte kros.

1 Corinthians 15:4

Nilibon ḵad ummuli si miḵaḵlu we aḻgawe mibatay os atte nigili ye Ugud Apudyus.