Acts 11:24 - Sa Ugud Apudyus

²⁴ Te aḵ Barnabas ambaḻu we tagu ya naittan atte ḵabooḻan ni Ispiritu Santu ya ampigsa pammatina. Pun nadog-adog-an belang da inawisnae namati ḵan Apu.

Acts 11:24 ပူးပေါင်းရင်းမြစ်များ

Matthew 12:35

Sa ambaḻu we tagu, ambaḻu da ugudona te siya mapopompon si somsomoḵna. Ḵad sa lawwenge tagu, lawweng os ugudona te siya mapopompon si somsomoḵna.

Matthew 19:17

Ḵanan Jesus, “Ngaipam imuson ḵan saḵon mipanggob si ambaḻu? Abus aḵ Apudyus aḵ ambaḻu. Nu piome awad ḵan siḵa biyag aḵ inggana, ḵasapuḻane tuttuwaom da losane bilinna.”

Luke 23:50

Inninggaw laḻaḵi ye nangngadan aḵ Joseph we iyArimathea we osae ili si probinsiya'd Judea. Siya ḵad, ambaḻu ya naun-unan, pasigna uuwayon dumaḵngan ni ampangatan Apudyus. Osa'tta ḵuḵunsisaḻ yaḵon adipun ummapyu si nan-uunudan da buḻunna ya sa ḵingwada ḵan Jesus.

John 7:12

Da nandatdatonge tagu'tte gayagaya, siya uguugudonda mipanggob ḵan Jesus. Ḵanan da udum, “Ambaḻu ugalin Jesus.” Yaḵon ḵanan os da udum, “Lawwelawweng te uḻ-uḻnugana da tagu.”

Acts 11:21

Gapu ta awad de ḵabooḻan Apu ḵan dida, adu da namati woḵ nansagungda ḵan Apu Jesus.

Acts 2:4

Pune sadi, ummoy ḵabooḻan ni Ispiritu Santu ḵan dida woḵ insaḻaddae an-ugud atta nansabasabali ye ugude adidapun inadaḻe impaibagan ni Ispiritu ḵan dida.

Acts 2:47

Patilayune andaydayawda ḵan Apudyus, ḵad nas-om da tagu ḵan dida. Pun inaḻgawe dog-an Apudyus belang da matagu.

Acts 24:16

Pun iggaḵ losane ḵabooḻaḵe angwa'tta ambaḻu ta ampoḻḵas somsomoḵḵu'tte sinagung Apudyus ya da tagu.

Acts 5:14

Yaḵon amo ummaduadu da laḻaḵi ya da bubai ye namati ḵan Apu Jesus woḵ nadog-anda.

Acts 6:3

Susunud ḵan Kristu, pumili ḵayu'ḵ pitu we laḻaḵi ḵan diḵayu we da ambaḻu ugalida ya naittanda si ḵabooḻan ni Ispiritu Santu ya ḵinalaing. Ḵad dida da dutuḵan taḵu'ḵ awwaḻas atta maḵan

Acts 6:5

Nas-om da losane namati si imbagan da apostol woḵ pinilida'ḵ Stephen we ampigsa pammatina ya naittan si ḵabooḻan ni Ispiritu Santu. Da udume napili, aḵ Philip, Prochorus, Nicanor, Timon, Parmenas ya aḵ Nicolaus we osae Gentil we iyAntioch we inunudna ugalin da Judyu.

Acts 6:8

Aḵ Stephen, amod de ḵinabaḻun Apudyus ḵan siya ya innattan Apudyus aḵ ḵabooḻane nangwa'tta nakaskasdaaw ḵan sinyal atte sinagung da tagu.

Acts 9:31

Pun lummin-awa da gimung da namati ḵan Jesus atta adu we ili'tta probinsiya'd Judea, Galilee ya ad Samaria te ippun ogon udum aḵ amaḵaḻam ḵan dida. Gapu si badang ni Ispiritu Santu pummigsa pammatida ya ummaduadu da namati ya isipogda'ḵ Apudyus.

Romans 15:15

Yaḵon natuḻodaḵe nangigili'tta annae banag ta awad angiḵagasmoḵanyu gapu'tte ḵinabaḻu we impailan Apudyus ḵan saḵon

Romans 5:7

Naippun nin tagu'ḵ maḻyad matoy para'tte mataguwan ni naun-unane tagu. Yaḵon awad nin da angituḻode angiḵatoy atte tagu we amo naayat.