Acts 11:20 - Sa Ugud Apudyus

²⁰ Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil.

Acts 11:20 ပူးပေါင်းရင်းမြစ်များ

Matthew 27:32

Inninggawda ḵad atte daḻane naḻpu'tte siyudad, inabotda tagu we nangngadan aḵ Simon we iCyrene. Pun impatut da suḻdadu impabuḵud ḵan siya de kros Jesus.

John 7:35

Ḵanan da Judyu we nan-asiimus, “Dinu ayanae aditaḵupun maḵaodas ḵan siya? Umoy ḵamman nin atta adayu we ilin da Gentil we igaw da naas-asipaḻaḵe Judyu ya antuttudu'tta Gentil?

Acts 11:19

Sa nangongatanda ḵan Stephen, nampaḵaḻamonda da namati woḵ nabuḵaḻda. Ummoy da udum atte probinsiya'd Phoenicia, da udum ummoyda'd Cyprus we ili si gawan ni baybay ya ummoyda udum atte siyudad ad Antioch woḵ iwwaḻagawagda Ugud Apudyus atta Judyu we abus.

Acts 11:22

Dingngoḻ ḵad da namati ye magimugimung ad Jerusalem da naḵwa, imbuunda'ḵ Barnabas ad Antioch.

Acts 11:26

Indasana ḵad, intallayna'd Antioch. Sintawon inninggawanda sidi'tta namati ye naḵagimugimung ḵan nantuttududa'tta ummamdane tagu. Ad Antioch, ummunae naawagan da disipulu aḵ Kristianu.

Acts 11:27

Sa sadi ye timpu, nan-osog da udume profetan Apudyus ad Antioch we naḻpu'd Jerusalem.

Acts 13:1

Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.

Acts 14:26

Misaḻad ad Attalia, nambapurdae nipauli'd Antioch we nangitaḻgodan da namati ḵan dida si ḵinabaḻun Apudyus gapu'tte ḵewaaḻe ginangputda.

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 15:23

Annaya suḻate indagasda, “Pakumustae naḻpu ḵan diḵani ye apostol ya da angipangpangu'tta namati ya da susunud ḵan Kristu sina'd Jerusalem. Annaya suḻatni ḵan diḵayu we Gentil we susunud ḵan Kristu sinat ad Antioch, Syria ya ad Cilicia.

Acts 15:30

Naabus ḵad suḻatda, pinaḻung-udda dida woḵ nan-osogda'd Antioch. Dummatongda ḵad, nandaḵdaḵngonda da namati woḵ innatodda suḻat.

Acts 17:18

Inninggaw os da udume mimistulun da Epicurean ya da Stoic we naḵasossongbat ḵan siya. Ḵanan da udum, “Ngai ibagabagan ni annate aginlalaing?” Ḵanan os da udum, “Siya nin iwaḻagawagna sabali ye apudyus.” Imbagada ḵaḵna te iwwaḻagawag Paul mipanggob ḵan Jesus ya sa ummuliyana.

Acts 18:22

Nandissaag ḵad ad Caesarea, nanagada'd Jerusalem woḵ pinakumustana da namati ye magimugimung. Naabus ḵad, nan-osog ad Antioch.

Acts 2:10

Phrygia, Pamphylia, Egypt ya da udume saḵubna'd Libya we dogana'd Cyrene. Ḵad da mangili ye naḻpu'd Rome,

Acts 4:36

Inggaw aḵ Joseph we osae ganaḵ Levi we iCyprus we nginadanan da apostol aḵ Barnabas sa piona ḵanan Sumoḻgag.

Acts 5:42

Ḵad inaḻgawe ummoyda'tte paway ni templo ya da boboḻoy ta pagapagatupandae angituttudu ya angiwaḻagawage aḵ Jesus siya Kristu.

Acts 6:1

Sa sadi ye timpu, ummaduadu da belang da namati ḵan Jesus. Inggaw nansosongbatan da Judyu we Greek ugudda'tta gagangaye Judyu we Hinebrew ugudda. Sa nansosongbatanda imbagan da de Greek we niwaḻang da baḻu we buḻunda si inaḻgawe awwaḻasanda si maḵan.

Acts 6:5

Nas-om da losane namati si imbagan da apostol woḵ pinilida'ḵ Stephen we ampigsa pammatina ya naittan si ḵabooḻan ni Ispiritu Santu. Da udume napili, aḵ Philip, Prochorus, Nicanor, Timon, Parmenas ya aḵ Nicolaus we osae Gentil we iyAntioch we inunudna ugalin da Judyu.

Acts 6:9

Yaḵon da udume Judyu we naḻpu si grupu we ngannonda “Sinagogan di Napuḵayane Musassu” we iCyrene ya iyAlexandria ya da udume naḻpu'd Cilicia ya ad Asia, tummaḵdogda woḵ naḵasossongbatda ḵan Stephen.

Acts 8:35

Pun illawlawag Philip we insaḻadna'tta sadi ye nigili ye Ugud Apudyus woḵ imbagana Ambaḻu we Damag mipanggob ḵan Jesus.

Acts 8:5

Aḵ Philip ḵade osa ḵan dida, ummoy atte osae siyudad ad Samaria woḵ iwwaḻagawagna mipanggob ḵan Kristu.

Acts 9:20

Pun ummoy atta sinagogan da Judyu woḵ daguse insaḻadnae nangiwaḻagawage aḵ Jesus Abeng Apudyus.

Acts 9:29

Pun naḵaug-uggud ya naḵasossongbat atta Judyu we Greek gingada yaḵon singsingtonda inondae angongat ḵan siya.

1 Corinthians 2:2

Te simsimmoḵḵu we sa inninggawaḵ ḵan diḵayu, naippun udum aḵ intuttuduḵ yaḵon abus mipanggob ḵan Jesu Kristu ya sa nipattoḻana'tte kros.

Galatians 2:11

Yaḵon ummali ḵad aḵ Peter ad Antioch, sinuppaḵaḵ atte sinagung da adu we tagu te nalawage daḵampun aḵ ustu ḵingwana.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.