Acts 11:19 - Sa Ugud Apudyus

¹⁹ Sa nangongatanda ḵan Stephen, nampaḵaḻamonda da namati woḵ nabuḵaḻda. Ummoy da udum atte probinsiya'd Phoenicia, da udum ummoyda'd Cyprus we ili si gawan ni baybay ya ummoyda udum atte siyudad ad Antioch woḵ iwwaḻagawagda Ugud Apudyus atta Judyu we abus.

Acts 11:19 ပူးပေါင်းရင်းမြစ်များ

Matthew 10:6

Yaḵon inḵayu'tta buḻun taḵu we ganaḵ Israel we da isudan nataḻaḵe karnero.

John 7:35

Ḵanan da Judyu we nan-asiimus, “Dinu ayanae aditaḵupun maḵaodas ḵan siya? Umoy ḵamman nin atta adayu we ilin da Gentil we igaw da naas-asipaḻaḵe Judyu ya antuttudu'tta Gentil?

Acts 11:20

Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil.

Acts 11:22

Dingngoḻ ḵad da namati ye magimugimung ad Jerusalem da naḵwa, imbuunda'ḵ Barnabas ad Antioch.

Acts 13:1

Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.

Acts 13:4

Pune sadi, imbuun ni Ispiritu Santu dida woḵ ummoyda'd Seleucia si inggawan da bapur woḵ inggana sidi nalluganda si bapur we umoy ad Cyprus.

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Acts 14:26

Misaḻad ad Attalia, nambapurdae nipauli'd Antioch we nangitaḻgodan da namati ḵan dida si ḵinabaḻun Apudyus gapu'tte ḵewaaḻe ginangputda.

Acts 15:22

Pune sadi, nan-uunudan da apostol, da angipangpangu ya da losane namati ye pumilida ḵan dida'ḵ maḵaoy ḵan da Paul ḵan Barnabas ad Antioch. Pun pinilida da duwae angipangpangu'tta susunud ḵan Kristu, aḵ Judas we nangngadan aḵ Barsabbas ya aḵ Silas.

Acts 15:3

Pun pinaḻung-ud da namati ye magimugimung dida woḵ sa nangoyanda'tta probinsiya'd Phoenicia ya ad Samaria, imbagada'tta namati ye magimugimung sidi inon da Gentil we namati ḵan Jesus. Pun amod de layad da losane susunud ḵan Kristu sidi.

Acts 15:30

Naabus ḵad suḻatda, pinaḻung-udda dida woḵ nan-osogda'd Antioch. Dummatongda ḵad, nandaḵdaḵngonda da namati woḵ innatodda suḻat.

Acts 15:35

Yaḵon da Paul ḵan Barnabas, inninggawda'd Antioch we nangituttudu ya nangiwaḻagawag atte Ugud Apu Jesus. Binadangan da adu we namati dida'tte ḵewaaḻda.

Acts 15:39

Pune sadi, amod de sossongbatda woḵ nansinada. Innawit Barnabas aḵ Mark woḵ nalluganda'tte bapur we umoy ad Cyprus.

Acts 18:22

Nandissaag ḵad ad Caesarea, nanagada'd Jerusalem woḵ pinakumustana da namati ye magimugimung. Naabus ḵad, nan-osog ad Antioch.

Acts 21:16

Inggaw da udum atta disipulun Jesus we iCaesarea we nibuḻun ḵan diḵani. Dummatong ḵani ḵad, inniyoyda diḵani si boḻoy Mnason we iCyprus, osa'tta ummunae namati woḵ inggaw ḵani si boḻoyna.

Acts 21:2

Indasanni sidi osan bapur we umoy atte probinsiya'd Phoenicia woḵ nallugan ḵani.

Acts 3:26

Pun ditaḵu we Judyu ummunae pinilin Apudyus ya imbuunna'ḵ Jesus we anserbi ḵan siya ta bindisyunana ditaḵu ta lamog taḵu agaye angwa'tta ḵoḵoḵḵon.”

Acts 4:36

Inggaw aḵ Joseph we osae ganaḵ Levi we iCyprus we nginadanan da apostol aḵ Barnabas sa piona ḵanan Sumoḻgag.

Acts 6:5

Nas-om da losane namati si imbagan da apostol woḵ pinilida'ḵ Stephen we ampigsa pammatina ya naittan si ḵabooḻan ni Ispiritu Santu. Da udume napili, aḵ Philip, Prochorus, Nicanor, Timon, Parmenas ya aḵ Nicolaus we osae Gentil we iyAntioch we inunudna ugalin da Judyu.

Galatians 2:11

Yaḵon ummali ḵad aḵ Peter ad Antioch, sinuppaḵaḵ atte sinagung da adu we tagu te nalawage daḵampun aḵ ustu ḵingwana.