Acts 11:13 - Sa Ugud Apudyus

¹³ Imbagana ḵan diḵani inonae nangila si anghel we sisiḵad atte boḻoyna woḵ ḵanana, ‘Angibuunḵa'd Joppa aḵ umoy angayag ḵan Simon we ngannonda Peter.

Acts 11:13 ပူးပေါင်းရင်းမြစ်များ

Acts 10:22

Ḵananda, “Aḵ Kapitan Cornelius nangibuun ḵan diḵani'ḵ angayag ḵan siḵa te imbagan ni anghel Apudyus we ayagana siḵa ta dongngona da ibagam. Siya ḵad naun-unan ya isipogna'ḵ Apudyus ya mapatgan atta losane Judyu.”

Acts 11:12

Pun ḵanan ni Ispiritu Santu ḵan saḵon, ‘Adiḵa ansuḵnae mibuḻun ḵan dida.’ Da annae onome susunud taḵu ḵan Kristu we iJoppa binuḻunanda bos saḵon woḵ ummoy ḵani'd Caesarea. Dummatong ḵani ḵad, nillumnoḵ ḵani si boḻoy da Cornelius.

Acts 11:14

Siya angibaga ḵan siḵa ya da losane ḵabaḻyannu'tte inonyu we matagu.’

Acts 12:11

Pune sadi nan-imonga ḵad aḵ Peter ḵanana, “Tuttuwa pagaye imbuun Apudyus anghelna'ḵ nangiligsi ḵan saḵon ta adiyaḵ gongaton ḵan Herod ya adi mituttuwa da losane ninamnaman da Judyu we ḵoonda ḵan saḵon.”

Acts 9:36

Ad Joppa inninggaw bubai ye namati ye Tabitha ngadanna. Sa ngadanna'tte Greek we ugud Dorcas, piona ḵanan ugsa. Pasig ambaḻu da ḵoona ya bumabbadang atta ḵapus.

Acts 9:38

Pun dingngoḻ ḵad da namati ye awad aḵ Peter ad Lydda we adanina'd Joppa, nambuunda'ḵ duwae laḻaḵi aḵ umoy angayag ḵan siya woḵ ḵanandae nandagdagu, “Agagam ḵappos ta intaḵu'd Joppa.”

Acts 9:42

Nandinongoḻ annae naḵwa'tta losane ili'd Joppa woḵ adu da namati ḵan Apu Jesus.

Acts 9:43

Inninggaw aḵ Peter ad Joppa si adu we aḻgaw si boḻoy Simon we sa anḵoḵopya'ḵ laḻat.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.