Acts 10:28 - Sa Ugud Apudyus

²⁸ woḵ ḵanana ḵan dida, “Iniiggammuyu we sa ugalini ye Judyu, miyadi mitimpuyug ḵan maḵabuḻbuḻun ḵani'tta Gentil. Yaḵon impaigammun Apudyus ḵan saḵone ḵasapuḻane umadiḵ ibelang ngaimane tagu'ḵ ḵaissaw.

Acts 10:28 ပူးပေါင်းရင်းမြစ်များ

Mark 7:2

Innilada da udume disipulunae nangan yaḵon adidapun inunud ugali si inondae ambuḻu we intuttudun da Pharisee aḵ mibelang aḵ ampoḻḵas.

Luke 18:11

Nillumnoḵda ḵad, summiḵad Pharisee ye bummattawa'tta udum woḵ ḵananae nalluwaḻu, ‘Anggappiyaaḵ Apudyus te adiḵpun isu da udume an-igab, adidapun naun-unan, maḵadagdagasda taḵon ay annate andadagup atta bugis.

John 18:28

Wiḵwiḵis ḵad, illawada'ḵ Jesus atte boḻoy Caiaphas woḵ inniyoyda'tte palas Gobernor Pilate. Yaḵon adipun nillumnoḵ da Judyu ta adida mibelang aḵ ḵaissaw yaḵon maḵaḵanda'tte Gayagayae ngannonda Nallausan.

John 4:27

Sissiya ḵade maḵaug-uggud aḵ Jesus, dummatong da disipuluna woḵ nataagda te naḵaug-uggud si bubai. Yaḵon naippun osa'ḵ nangimus nu ngai pion ni bubai baḵon nu ngaipa maḵaug-uggud aḵ Jesus ḵan siya.

John 4:9

Ḵanan ni bubai, “Ngaipaḵa gay anḵodaw aḵ danum ḵan saḵone siḵa ḵad Judyuḵa ya saḵon ḵad iSamaria?” Te sa ugalin da Judyu, adidapun maḵabuḻbuḻun atta iSamaria.

Acts 10:29

Sa nampaayagam ḵan saḵon, ummaliyaḵe adiyaḵpun nansuḵna. Pun imusoḵ ud nu ngai gapunae impaayagaḵ.”

Acts 11:9

“Dingngoḻḵu bos ḵasin gingae naḻpu'd langite ḵanana, ‘Da pinapoḻḵas Apudyus, adim dida ibelang aḵ ḵaissaw.’