Acts 1:16 - Sa Ugud Apudyus

¹⁶ “Susunud ḵan Kristu, ḵasapuḻane mituttuwa Ugud Apudyus we impaigilin ni Ispiritu Santu ḵan Ari David si awe mipanggob si maḵwa ḵan Judas we nangipuyut atta nanoḵma ḵan Jesus.

Acts 1:16 ပူးပေါင်းရင်းမြစ်များ

Matthew 26:14

Pun aḵ Judas Iscariot we osa'tta nasawaḻan aḵ duwae disipulun Jesus, ummoy atta papangat da papadi.

Matthew 26:47

Sissiya ḵade an-uguugud aḵ Jesus, nadanatong aḵ Judas we osa'tta nasawaḻan aḵ duwae disipuluna. Inninggaw da amode tagu we nibuḻun ḵan siyae nampaḵ-odon aḵ ispada ḵan pang-oḵ. Da papangat da papadi ya da pallakayon da Judyu nangibuun ḵan dida.

Matthew 26:54

Yaḵon nu ḵooḵ ḵatti, ngai inon ni nigili'tte Ugud Apudyus we mituttuwae ḵanana ḵasapuḻane ḵaḵna maḵwa ḵan saḵon?”

Matthew 26:56

Yaḵon maḵwa losan da anna sinsadi ta mituttuwa inggilin da profeta si ugudna si awe mipanggob ḵan saḵon.” Imbagan ḵad ay Jesus sadi, losan ummawid da disipuluna woḵ tinenanda'ḵ Jesus.

Mark 12:36

Te aḵ Ari David we mismu ngannona'ḵ Kristu Apuḵ. Te sa imbagana, impaspasmoḵ ni Ispiritu Santu ḵan siyae ḵanana, “ ‘Ḵanan Apudyus atte Apuḵ: Tumuḵduḵa'tte madawinanḵu inggana'ḵ oḻgoḵ da ḵabusuḻnu.’ ”

Mark 14:43

Sissiya ḵade an-uguugud aḵ Jesus, nadanatong aḵ Judas we osa'tta nasawaḻan aḵ duwae disipuluna. Adu da nibuḻun ḵan siyae nampaḵ-odon aḵ ispada ḵan pang-oḵ. Da papangat da papadi, da mimistulun ni lintog ya da pallakayon da Judyu nangibuun ḵan dida.

Luke 22:47

Sissiya ḵad aḵ Jesus we maḵaug-uggud atta disipuluna, nadanatong da adu we tagu we impuyut Judas we osa'tta nasawaḻan aḵ duwae disipuluna. Ummadani ḵan Jesus ta ogoḵanae isun di pakumustaona ta mipailae ambuḻbuḻunda.

John 10:35

Nu ngannon Apudyus dida'ḵ Apudyus, ngai naḻpuwan ni Ugud Apudyus we ippun ambaliwana'ḵ inggana?

John 13:18

“Daḵampun aḵ ugudoḵe diḵayu losan te igammuḵ da piniliḵ. Yaḵon ḵasapuḻane mituttuwa Ugud Apudyus we ḵanana, ‘Sa ḵaubungḵu, siya angituyuḵ ḵan saḵon.’

John 17:12

Sa inninggawaḵ ḵan dida, inayyuwanaḵ dida mipagapu'tte ḵabooḻame innatodnu ḵan saḵon. Naippun nataḻaḵ ḵan dida abus sadi ye tagu we naḵoddongan aḵ mataḻaḵ ta mituttuwa nigili ye Ugud Apudyus.

John 19:36

Ḵad naḵwa da sana ta mituttuwa nigili ye Ugud Apudyus we ḵanana, “Naippun ossaan aḵ maptod atta tung-aḻna.”

Acts 1:20

Pinagatupan Peter woḵ ḵanana, “Sa inggilin Ari David atte iblu we Psalm, ḵanana, “ ‘Mabaawan oḵyan boḻoyna ya ippun umoy inggaw’ ya ‘awad oḵyan osa'ḵ mipasani si saadna.’ ”

Acts 13:15

Nagangput ḵad nibasa lintog Moses ya sa inggilin da profetan Apudyus, nangibuun da papangat ni sinagoga aḵ umoy angibaga ḵan da Paul ḵan Barnabas we ḵananda, “Susunudni ye ganaḵ Israel, nu awad ugudonyu'ḵ masoḻgagan da annae tagu, ibagayu ḵappos.”

Acts 13:38

“Pun mipaigammu ḵan diḵayu susunudḵu we ganaḵ Israel we sa iwaḻagawagni ye mipagapu ḵan Jesus, mapakawan da basuḻyu.

Acts 15:13

Naabusda ḵad nan-uugud, nan-ugud aḵ James woḵ ḵanana, “Susunud ḵan Kristu, dongngonyu saḵon.

Acts 15:7

Nagangput ḵade nabayag nansosongbatanda, summiḵad aḵ Peter woḵ ḵanana, “Susunud ḵan Kristu, inigammuyu we sa awe, saḵon pinilin Apudyus ḵan ditaḵu'ḵ umoy angiwaḻagawag si Ambaḻu we Damag atta Gentil ta dongngonda ya amatida.

Acts 2:23

Aḵ Jesus, gagangaye simsimmoḵ Apudyus we ipuḻangna ḵan diḵayu te siya inḵoddongna si awe. Ḵad diḵayu, impaipattoḻyu'tte kros ya impagongatyu'tta tagu.

Acts 2:37

Dingngoḻ ḵad da adu we tagu imbagan Peter, amod de babawida woḵ ḵananda ḵan Peter ya da udume apostol, “Susunude ganaḵ Israel, ngai ḵoonni?”

Acts 22:1

Ḵanana, “Diḵayu we aammaḵ ḵan susunudḵu we ganaḵ Israel, dongngonyu songbatḵu ḵan diḵayu.”

Acts 23:1

Pune sadi, immumusḵoḻ Paul da ḵuḵunsisaḻ woḵ ḵanana, “Susunudḵu we ganaḵ Israel, iniiggammun Apudyus we ampoḻḵas somsomoḵḵu mipanggob si inoḵe nanserbi ḵan siyae nilapu si awe inggana sinsanae aḻgaw.”

Acts 23:6

Inigammun ḵad Paul we nanḵagwa da papangate Sadducee da udum ya da udum Phariseeda, indangsoḻna gingana'tta ḵuḵunsisaḻ woḵ ḵanana, “Susunudḵu we ganaḵ Israel, Phariseeyaḵ. Pharisee bos da danaḵḵoḻḵu. Pun namnamaoḵe umuli da natoy ḵad sana gapunae sumaḻyaonyu saḵon.”

Acts 28:17

Naḻaḵpus ḵad tuḻun aḻgaw, impaayag Paul da papangat da Judyu we inggaw ad Rome. Nandatdatongda ḵad, ḵanana ḵan dida, “Susunudḵu we ganaḵ Israel, taḵon ay nu ippun ḵingwaḵ aḵ lawweng atta ḵailiyan taḵu baḵon nu nilisalisḵu'tta ugalin da danaḵḵoḻ taḵu yaḵon dinoḵmaanda saḵon ad Jerusalem woḵ impuḻangda saḵon atta iRome.

Acts 28:25

Pun ummoyonda, nanggogwada ya nansosongbatda. Yaḵon sa daanda ayonan, iyyanungus Paul ḵanane, “Tuttuwa pagay impaigilin ni Ispiritu Santu ḵan Profeta Isaiah mipanggob atta danaḵḵoḻ taḵu we ḵanana,

Acts 7:2

Ḵanan Stephen, “Aamma ḵan susunude ganaḵ Israel, dongngonyu ud annae ibagaḵ. Sa awe, aḵ Apudyus we maḵabooḻ atta losan nampaila ḵan Abraham we daḵdaḵoḻ taḵu si inninggawana'd Mesopotamia si daanna ayan ad Haran,

1 Peter 1:11

Inniggada ḵabooḻandae an-imus nu ḵamaan ni maḵwaana ya ngai inonae mituttuwa, impaigammun ni Ispiritun Kristu ḵan dida mipanggob atte ampaḵaḻamana ya madayawana'tte ampangatana.

2 Peter 1:21

Te naippun nipadtu'ḵ naḻpu si pinion ni tagu yaḵon indaḻan ni Ispiritu Santu didae nangibagabaga si ugude naḻpu ḵan Apudyus.

2 Peter 2:21

Un-unnoyna oḵyan adida inigammu inon Apudyus we angwa si maun-unan da tagu nu sa igammuwonda ya umun-uni ḵad nan-awidanda biline maḻpu ḵan Apudyus we nituttudu ḵan dida.