3 John 1:6 - Sa Ugud Apudyus

⁶ Sa inninggawanda sina, pinanoḵnoḵanda'tta namati ye magimugimung da ambaḻu we nan-aayatnu ḵan dida. Nu awad isun da sana'ḵ ansadang sinat, pagatupam ḵappose bumadang ḵan dida ya ittom ḵasapuḻan da si daḻan te siya mibagaye mas-oman Apudyus.

3 John 1:6 ပူးပေါင်းရင်းမြစ်များ

Acts 15:29

Adiyu ḵanon midatun atta sinan-apudyus, ḵasapuḻane adiyu ḵanon daḻa ya da ayame adipun nidaḻaan ḵan adi ḵayu maḵadagdagas. Ḵad nu tuttuwaonyu da sana, ambaḻu ambanaganyu. Sana da abuse ibagani ḵan diḵayu.”

Acts 15:3

Pun pinaḻung-ud da namati ye magimugimung dida woḵ sa nangoyanda'tta probinsiya'd Phoenicia ya ad Samaria, imbagada'tta namati ye magimugimung sidi inon da Gentil we namati ḵan Jesus. Pun amod de layad da losane susunud ḵan Kristu sidi.

Acts 21:5

Yaḵon naḻaḵpus ḵad aḻgawe inninggawanni sidi, nallibbat ḵani ta pagatupanni baatni. Pun losan da ḵabaḻyan da namati intuḻud diḵani inggana'ḵ niduum ḵani si lasin ni siyudad. Pun losan ḵani nanalluḵu'tte taḻantag woḵ nalluwaḻu ḵani.

Romans 15:24

namnamaoḵe ilaḵ diḵayu nu ansadangaḵe umoy ad Spain ta ampabadangaḵ ḵan diḵayu we umoy sidi nu maabus sin-aḵitane maḵabuḻbuḻunaḵ ḵan diḵayu.

Philippians 4:14

Yaḵon taḵon ay nu ḵatti, ambaḻu ḵingwayu we bummadang ḵan saḵon si timpu we nampaḵaḻamaḵ.

Colossians 1:10

Te nu ḵatti, maḵwae unudonyu antatagu we mibagay atte ḵinabaḻun Apu ya pasigyu ḵoon da amalayad ḵan siya. Ḵad ambaḻu ibungan da losane ḵoonyu ya madog-an igammuyu mipanggob ḵan Apudyus.

1 Thessalonians 2:12

Sinoḻgagni ya pinapigsani diḵayu ḵan insassaudni ye matagu ḵayu si biyage mas-oman Apudyus ya mibagay atte namiliyana ḵan diḵayu'ḵ midoga si ampangatana ya sa ḵinangatuna.

Titus 3:13

Iggam os ḵaḻabbongame bumadang ḵan Zenas we abugadu ya aḵ Apollos nu allibbatda ta awad oḵyan da losane ḵasapuḻanda.

1 Peter 2:20

Ippun labbong ni tagu we madayaw nu anuanusana iyattom dusa gapu'tte ḵingwanae lawweng. Yaḵon nu ampaḵaḻamon diḵayu'tta angwaanyu si ambaḻu ya inan-anusanyu, mas-om aḵ Apudyus ḵan diḵayu.

3 John 1:12

Aḵ Demetrius ḵad, ambaḻu ibagabagan da adu we tagu atte mipanggob ḵan siya ya tuttuwa da sana te maila si antataguna. Panoḵnoḵanni bos mipanggob ḵan siya ya igammume tuttuwa da annae ibagani.