2 Timothy 4:16 - Sa Ugud Apudyus

¹⁶ Sa damu we nasumaḻyaaḵ, ippun pulus ummali'ḵ buḻunku'ḵ nangitaḵdoḻ ḵan saḵon. Losanda tinenan saḵon. Adin oḵyan pos Apudyus pabasuḻon dida'tte ḵingwadae lawweng ḵan saḵon.

2 Timothy 4:16 ပူးပေါင်းရင်းမြစ်များ

Mark 14:50

Imbagan ḵad ay Jesus, ummawid da disipuluna woḵ natenan.

Luke 12:11

“Ḵad nu iyoy diḵayu idaḻum atta sinagoga baḵon nu da papangat ya da awad da ḵaḻabbonganda, adi ḵayu ambinsaw atta isongbatyu ya da ibagayu.

John 16:32

Madam-an dumatong timpu pun tuttuwae dummatong, nu mabuḵaḻ ḵayu, awad osa umoyon atte boḻoyna ya tinenanaḵe abus. Yaḵon daḵampun aḵ abusaḵ te anna'ḵ Amaḵ ḵan saḵon.

Acts 22:1

Ḵanana, “Diḵayu we aammaḵ ḵan susunudḵu we ganaḵ Israel, dongngonyu songbatḵu ḵan diḵayu.”

Acts 25:16

Summongbataḵ ḵan dida woḵ ḵanaḵe daḵampun aḵ ugalini ye iRome ipuḻangni nidaḻume tagu nu daan masumaḻya. Ḵasapuḻane umuna sumangu'tta namabasuḻ ḵan siya ta awad inonae anaḵdoḻ atta ipabasuḻda ḵan siya.

Acts 7:60

Pun nanalluḵu woḵ ḵananae nangiyipḵaw, “Apu, adim oḵyan ipabasuḻ ḵan dida annae ḵingwada ḵan saḵon.” Ginangputna ḵad imbaga sana, natoy.

1 Corinthians 13:5

adipun angwa'tta ḵababbain baḵon nu ipasulinna piona. Ḵad adipun os allasu sumang-ana ya adinapun os sosomḵon lawwenge ḵingwan da udum ḵan siya.

1 Corinthians 9:3

Annaya songbatḵu'tta nanumaḻya ḵan saḵon.

2 Corinthians 7:11

Te ilanyu ḵad ḵabaḻun ni ḵingwan Apudyus gapu'tte nandadauyan ni somsomoḵyu. Sinsadi, ibungana ayatyu we angwa'tta ambaḻu ya ipapatiyu ipailae ustu da ḵoonyu. Summanga ḵayu gapu'tte naḵwa ḵan diḵayu ya maḵimut ḵayu'ḵ dusaon Apudyus diḵayu gapu'tta basuḻyu. Pionyu pagay os ilan saḵon ya allaylayad ḵayu bose angwa'tta imbagaḵ. Pionyu bose anusa'tte tagu we naḵabasuḻ. Gapu'tta losane ḵingwayu, nipailae ippun mipabasuḻ ḵan diḵayu gapu'tte naḵabasuḻan da sadi ye tagu.

Philippians 1:17

Yaḵon da sadi ye umapos ḵan saḵon, daḵampun aḵ naḻpu si pusuda angiwaḻagawaganda si mipanggob ḵan Kristu yaḵon siya singtonda midayawda. Ḵad sa somsomoḵda, ḵoonda ḵatti ta dumallu ampaḵaḻamaḵ si babaḻḻudan.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

2 Timothy 1:15

Inigammume tigangay ta losan atta namati'd Asia, nan-awidanda saḵon, nidoga da Phygelus ḵan Hermogenes.

2 Timothy 4:10

te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.

2 Timothy 4:15

Ummam ḵan siya te gattoḵe susullagiyona ituttudu taḵu.

1 Peter 3:15

yaḵon dayawonyu'ḵ Kristu we ḵangatuwane Apu atte somsomoḵyu. Pasig ḵayu ansasagganae anongbat nu awad an-imus ḵan diḵayu'tte mipanggob si namnamayu we awad ḵan diḵayu. Ḵad allin-awaonyu we sumongbate angipaila si ustu we patganyu.