2 Timothy 4:14 - Sa Ugud Apudyus

¹⁴ Aḵ Alexander ḵade ambobosaḻ, adu da ḵingwana ḵan saḵone lawweng yaḵon aḵ Apudyus asi ḵigade anusa ḵan siya'tta ḵingḵingwana.

2 Timothy 4:14 ပူးပေါင်းရင်းမြစ်များ

Romans 12:19

Susunudḵu we ay-ayatoḵ, nu awad angwa'ḵ lawweng ḵan diḵayu, adi ḵayu bumaḻos yaḵon itaḻgodyu ḵan Apudyus ta siya asi ḵigade angibaḻos. Te ḵanan ni nigili ye Ugud Apudyus, “Saḵone Apudyus ḵambiyang si baḻos te dusaoḵ da maḵabasuḻ.”

Romans 2:6

Te aḵ Apudyus gungunaana tagu sigun atta ḵingwana.

2 Thessalonians 1:6

Ustu inon Apudyus we anḵuwis te da tagu we namaḵaḻam ḵan diḵayu, ampaḵaḻamona bos dida.

1 Timothy 1:20

Ḵaḵna isun ni naḵwa ḵan da Hymenaeus ḵan Alexander we impuḻangḵu ḵan Satan ta adaḻondae adida an-ugud aḵ lawweng mipanggob ḵan Apudyus.

2 Timothy 4:15

Ummam ḵan siya te gattoḵe susullagiyona ituttudu taḵu.

1 John 5:16

Nu awad osa'ḵ angila si sunudna ḵan Kristu we maḵabasuḻ, iluwaḻuna oḵyan ta itton Apudyus ḵan siya biyag aḵ inggana. Sa pioḵ ibaga, iluwaḻuwan taḵu tagu amod ay nu daḵampun aḵ ambanag si ḵatoy naḵabasuḻana. Te awad de basuḻe ambanag si ḵatoy yaḵon daḵampun aḵ ḵanaḵe iluwaḻuwan taḵu oḵyan.

Revelation 18:20

“Diḵayu we awad ad langit, anggangganas ḵayu'tte nadadailana. Diḵayu we tagun Apudyus, da apostol ya da profetana, maganasan ḵayu bos te dinusan Apudyus sanae siyudad gapu'tta losane ḵingwana ḵan diḵayu.”

Revelation 18:6

Pun da losane ḵingwanae namaḵaḻam atta tagu, maḵwa bos ḵan siya. Ḵad masubbat aḵ amigwa da ḵingwanae, nu sintasa impainumnae bayas atta tagu, duwan tasa subbatna.

Revelation 6:10

Ḵanandae nangidangsoḻ, “Apudyus we maḵabooḻ atta losan, siḵa gattoḵe nasantuwan ḵan tuttuwa, ḵamaan ni anguwisam ḵan angibaḻosam atta tagu'd lutae namatoy ḵan namapoy-as atta daḻani?”