2 Timothy 4:10 - Sa Ugud Apudyus

¹⁰ te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.

2 Timothy 4:10 ပူးပေါင်းရင်းမြစ်များ

Matthew 12:32

Ḵad ngaimane an-ugud aḵ lawweng si mipanggob ḵan saḵone Abeng Di Tagu, maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus sinsadi ya sa umali ye timpu.”

Matthew 26:56

Yaḵon maḵwa losan da anna sinsadi ta mituttuwa inggilin da profeta si ugudna si awe mipanggob ḵan saḵon.” Imbagan ḵad ay Jesus sadi, losan ummawid da disipuluna woḵ tinenanda'ḵ Jesus.

Luke 14:33

Pun ḵaḵnat os ḵan diḵayu nu pionyu we ambalin aḵ disipuluḵ, ḵasapuḻane tenanyu da losane awad ḵan diḵayu.”

Luke 16:13

Adipun maḵwa'tte sammilu anserbi'tta duwae apu te aaddi ye ay-ayatona osa ya an-awidana osa. Ḵad ipapatinae anserbi si osa ya am-amsewona osa. Ḵad nu ḵatti, adipun maḵwae anserbiḵa ḵan Apudyus nu siya gamgamam ḵinabaḵnang.”

Luke 17:32

Iḵagasmoḵyu naḵwa si asawan Lot.

Acts 13:13

Pun ḵesan da Paul ya da buḻunna'd Paphos woḵ nalluganda si bapur woḵ dummatongda'd Perga, osae ili si probinsiya'd Pamphylia. Dummatongda ḵad sidi, tinenan John Mark dida woḵ nipauli'd Jerusalem.

Acts 15:38

Yaḵon adimpun Paul pion te tinenan John Mark dida si inninggawanda'd Pamphylia ya adinapun pinagatupane bummadang si ḵewaaḻda.

Acts 16:6

Pun ummoy da Paul atte probinsiya'd Phrygia ya sa probinsiya'd Galatia te adimpun ni Ispiritu Santu iyyunud didae umoy angiwaḻagawag atte Ugud Apudyus si probinsiya'd Asia.

Acts 17:1

Nangoy ḵad da Paul ḵan Silas ad Amphipolis ya ad Apollonia, dummatongda'd Thessalonica we inggaw osae sinagogan da Judyu.

Acts 17:11

Da annae Judyu amo nabaḻbaḻu ugalida nu da iThessalonica te sisinnoogonda Ugud Apudyus ḵad inaḻgawe adaadaḻonda ta panoḵnoḵanda nu tuttuwa da intuttudun Paul.

Acts 17:13

Yaḵon inigammun ḵad da Judyu'd Thessalonica we iwwaḻagawag Paul Ugud Apudyus ad Berea, ummoyda sidi woḵ subsubonda da tagu ta angguluda.

Acts 18:23

Inninggaw ḵad sidi si pigan aḻgaw, ummoy nanggaḵay atta losane ḵinailin di ili'tte probinsiya'd Galatia ya sa probinsiya'd Phrygia ta umoyna papigsaon pammatin da namati.

2 Corinthians 2:13

Yaḵon taḵon ay nu ḵatti ye naatod gundaway ḵan saḵon, amod de binsawḵu te naippun indasaḵ ḵan sunud taḵu we Titus sidi. Pun siya nampaḵadaaḵ atta susunud taḵu ḵan Kristu woḵ iyyaḵ ad Macedonia.

2 Corinthians 7:6

Yaḵon aḵ Apudyus we alliwliwa'tta andadauy, niliwliwana bos diḵani gapu'tte dummaḵngan Titus.

2 Corinthians 8:16

Nanggappiyaaḵ ḵan Apudyus we nangitod ḵan Titus atte ayatnae bumadang ḵan diḵayu we isun ni ayatḵu we bumadang ḵan diḵayu.

2 Corinthians 8:23

Aḵ Titus, siya buḻunḵu ḵan bumadang ḵan saḵone anserbi ḵan diḵayu. Ḵad da annae susunud taḵu ḵan Kristu we mitun-ud ḵan siya, dida nibuune angitaḵdoḻ atta gimung da namati. Ḵad gapu ḵan dida, madayaw ḵinangatun Kristu.

2 Corinthians 8:6

Pun gapu ta aḵ Titus nangilapu'tte angitod ḵayu'ḵ badangyu, sinoḻgagni ta mipauli oḵyan sinat ta bumadang ḵan diḵayu we angigangput atta sinaḻdanae ambaḻu we ḵewaaḻe mipail-an ni ḵinabaḻuyu.

Galatians 1:2

Annaya suḻatḵu ḵan diḵayu'tta gimung da namati'tta ili'd Galatia. Da losane susunudḵu ḵan Kristu sinae namati, pakumustaonda bos diḵayu.

Philippians 2:21

Te da udume tagu, siya abus aḵ singsingtonda pipion ni somsomoḵda, daḵampun si pinion Jesu Kristu ḵoonda.

1 Timothy 6:10

Te sa ḵamommod da tagu si pilaḵ, siya maḻpuwan da losane kalasin di lawweng. Ḵad gapu si ḵamommod, nan-awidan da udume tagu pammatida ḵan Apudyus, ḵad ampaḵaḻamda si adu we salidudun da somsomoḵda.

1 Timothy 6:17

Bilinom da babaḵnang sinsadi si annae lubung ta adida ampasindayaw ya adida antaḻgod atta binaḵnangdae sin-aḵitan ya maumas. Yaḵon aḵ Apudyus oḵyan antaḻgodanda te siya angitoitod atta losane ḵasapuḻan taḵu ta gangganason taḵu dida.

2 Timothy 1:15

Inigammume tigangay ta losan atta namati'd Asia, nan-awidanda saḵon, nidoga da Phygelus ḵan Hermogenes.

2 Timothy 4:16

Sa damu we nasumaḻyaaḵ, ippun pulus ummali'ḵ buḻunku'ḵ nangitaḵdoḻ ḵan saḵon. Losanda tinenan saḵon. Adin oḵyan pos Apudyus pabasuḻon dida'tte ḵingwadae lawweng ḵan saḵon.

Titus 1:4

Annaya suḻatḵu ḵan siḵa Titus we imbelangḵu'ḵ abengḵu gapu si pammati taḵu. Awad oḵyan ḵan siḵa ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we anagu ḵan ditaḵu.

Philemon 1:24

Isuna bos atta buḻunḵu we anḵewaaḻe da Mark, Aristarchus, Demas ya aḵ Luke.

2 Peter 2:15

Nan-awidandae angwa'tta ambaḻu ya nalimuda. Inunudda ugalin Balaam we abeng Beor we naḵabasuḻ gapu'tte pipionae pabayad si ḵoonae lawweng.