2 Timothy 3:4 - Sa Ugud Apudyus

⁴ Ituyuḵda da buḻunda ya ḵoonda da banage adidapun umman somsomḵon ambanagana. Amod ampapasindayawda. Daḵampun ḵan Apudyus ayatonda yaḵon siya amaamayonda da gangganasonda.

2 Timothy 3:4 ပူးပေါင်းရင်းမြစ်များ

Acts 19:36

Adipun maḵwae misilib anna! Pun ḵasapuḻane guminoḵ ḵayu ya adi ḵayu amabbabaḻang.

Acts 7:52

Awad ḵamman profeta'ḵ adin da danaḵḵoḻ taḵu nampaḵaḻamon? Gingngatda da imbuun Apudyus si awe ye ummoy nangipaigammu si umaliyan ni naun-unane aḵ Jesus ya sinsadi intuyuḵyu ya gingngatyu.

Romans 11:20

Tuttuwa sanat. Naspaḵda te adidapun namati yaḵon nipasani ḵayu gapu'tte namatiyanyu. Pun adiyu ipasindayaw yaḵon ummaummanyu.

Romans 16:18

Te da ḵassadi ye tagu, daḵampun ḵan Apu taḵu we Kristu anserbiyanda yaḵon da long-agda ya da pipionda. Ḵad mipagapu'tte allin-awae an-uugudda ya ḵinasiḵapda, allelawonda da tagu we ippun ḵon igammuda.

1 Timothy 3:6

Ḵasapuḻane daḵampun aḵ baru we namati ta adi ampasindayaw ya madusae isun Satan.

1 Timothy 5:6

Yaḵon sa baḻu we siya gay ipapuutna somsomḵon allam-ayana, isun di natoy atte mipanggob ḵan Apudyus taḵon ay nu sissiyae matattagu.

1 Timothy 6:17

Bilinom da babaḵnang sinsadi si annae lubung ta adida ampasindayaw ya adida antaḻgod atta binaḵnangdae sin-aḵitan ya maumas. Yaḵon aḵ Apudyus oḵyan antaḻgodanda te siya angitoitod atta losane ḵasapuḻan taḵu ta gangganason taḵu dida.

Jude 1:19

Dida da gapun ni magoggogwaanyu, siya ḵoonda da gagangaye pipion ni long-agda te naippun ḵan dida Ispiritu Santu.

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.