2 Timothy 3:17 - Sa Ugud Apudyus

¹⁷ ta ippun angkurangan taḵu we anserbi ḵan Apudyus yaḵon naḵasagana taḵu we angwa'tta losane kalasin di ambaḻu.

2 Timothy 3:17 ပူးပေါင်းရင်းမြစ်များ

Acts 9:36

Ad Joppa inninggaw bubai ye namati ye Tabitha ngadanna. Sa ngadanna'tte Greek we ugud Dorcas, piona ḵanan ugsa. Pasig ambaḻu da ḵoona ya bumabbadang atta ḵapus.

2 Corinthians 9:8

Ḵad ḵabooḻan Apudyus we amindisyun ḵan diḵayu'ḵ amod ta pasige wadawad da ḵasapuḻanyu ya awad adu'ḵ ibadangyu'tta anḵasapuḻ.

Ephesians 2:10

Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.

1 Timothy 6:11

Yaḵon siḵae osae tagun Apudyus, ḵasapuḻane an-awidam da sana ya iggam ḵabooḻame angunud si ustu ḵan naapudyusane biyag. Ḵad papigsaom pammatim ḵan Apudyus, sa ayatnu, sa ḵinaanusnu ya sa an-ammaye biyag atta asintatagum.

2 Timothy 2:21

Isuna bos atte tagu, nu awad tagu'ḵ papoḻḵasona long-agna'tta ngaimane lawweng, ampatog angusaran Apu ḵan siya te nitotoḵḵon ya nisaganae anserbi'tta losane panggob Apudyus.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Titus 3:1

Ipaspasmoḵnu'tta namati sinate ḵasapuḻane paipangatda'tta nangatu da saadda ya da udume anna ḵaḻabbonganda ta tuttuwaonda dida. Ḵad naḵasaganada oḵyane bumadang atta ambaḻu we maḵwa.

Hebrews 10:24

Sosomḵon taḵu inon taḵu we amapigsa si an-aayat taḵu ḵan ḵoon taḵu da ambaḻu.

Hebrews 13:21

Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.