2 Timothy 3:14 - Sa Ugud Apudyus

¹⁴ Yaḵon ḵan siḵa, pagapagatupam atta inadaḻnu ya da pinatini ye ḵatuttuwaan te iniiggammum da ḵinatatagun da nangituttudu ḵan siḵa.

2 Timothy 3:14 ပူးပေါင်းရင်းမြစ်များ

Acts 17:31

Te inḵoddongna aḻgawe anguwisana'tta losane tagu si lubung. Dinutuḵana'ḵ Jesus we naun-unane anḵuwis woḵ pinanoḵnoḵanae siya dinutuḵana si nanaguwana ḵan siya.”

Romans 14:5

Awad da udume ibelangda'ḵ amo napatpatog sin-aḻgaw nu da udume aḻgaw yaḵon ḵanan os da udume an-iisu aḻgaw. Pun ḵasapuḻane awad osa mat-op atte somsomoḵna.

Colossians 2:2

ta masoḻgag oḵyan da somsomoḵyu ya an-os-ossaan ḵayu gapu si an-asiayat ḵayu ta adi ḵayu anduwaduwa yaḵon maawatanyu planun Apudyus we adipun nipaigammu'tte awe ye sa mipanggob ḵan Kristu.

1 Thessalonians 1:5

Te indatongni ḵad ḵan diḵayu Ambaḻu we Damag, daḵampun aḵ abuse ugud yaḵon nidoga bos ḵabooḻan ni Ispiritu Santu ḵan napanoḵnoḵane ḵatuttuwaan Ugud Apudyus. Igammuyu bos nantataguni si inninggawanni ḵan diḵayu sinat ḵan inonni ye bummadang ḵan diḵayu sinat.

1 Thessalonians 2:13

Susunudḵu ḵan Kristu, pasig ḵani anggappiya ḵan Apudyus te dingngoḻyu ḵad ugudnae imbagani, namati ḵayu we daḵampun aḵ naḻpu'tta tagu yaḵon tuttuwae naḻpu ḵan Apudyus. Ḵad sa Ugud Apudyus, siya anḵewaaḻ atta biyagyu we namati.

1 Timothy 4:16

Ummam antatagum ya sa ituttudum. Pagatupam ḵoon da anna ta taguwom long-agnu ya da andongoḻ ḵan siḵa.

2 Timothy 1:13

Nu antuttuduḵa, ilam ta uunnudom ḵatuttuwaane intuttuduḵ ḵan siḵa ya gogomgomam pammatim ḵan ayate innatod Jesu Kristu ḵan ditaḵu we niyossaan ḵan siya.

2 Timothy 2:2

Ḵad da losane dingngoḻnu we intuttuduḵ ḵan siḵa'tta sinagung da adu we tagu, itaḻgodnu'tta mataḻgodane ḵallabbong os angituttudu'tta udum.

2 Timothy 3:15

Sosomkome inggan ni ḵaban-ognu, inigammum da nigili ye Ugud Apudyus we siya nituttudu ḵan siḵa mipanggob si mataguwan gapu si pammatim ḵan Jesu Kristu.

Titus 1:9

Sa mipanggob si pammatina, ḵasapuḻane gogomgomana da ḵatuttuwaane nagangput nituttudu ḵan siya ta lamogna ituttudu ustuustu we tuttudu'tta buḻunna ya soḻgagona didae angunud ḵan suppaḵana da sumullagi si ḵatuttuwaan.

Hebrews 10:22

Umadani taḵu ḵan Apudyus we sipupusu ya antaḻgod pammati taḵu ḵan siya, ḵad pummoḻḵas da somsomoḵ taḵu'tta lawweng te isun di nawaḻsiyan taḵu si daḻan Kristu ya nadaḻusan da long-ag taḵu si an-imlonge danum.

Hebrews 6:11

Ḵad sa pionni, sin-ossaossa ḵan diḵayu ipapatiyu pagatupan namnamayu ta laḵ-amonyu'ḵ inggana si anungusna.