2 Timothy 2:24 - Sa Ugud Apudyus

²⁴ Ḵad sa anserbi ḵan Apu, ḵasapuḻane adipun oḵyan maḵasubog yaḵon ḵasapuḻane nalaing, naanus atta losan ya ḵabooḻanae antuttudu,

2 Timothy 2:24 ပူးပေါင်းရင်းမြစ်များ

Matthew 12:19

Adipun maḵasossongbat baḵon nu pumaleset baḵon nu anaddangsoḻe guminga'tta ḵaḻsa.

John 6:52

Dingngoḻ ḵad da Judyu imbagan Jesus, ḵanandae nansosongbat, “Ngai inonae ittona long-agna ḵan ditaḵu ta ḵanon taḵu?”

Acts 15:2

Yaḵon da Paul ḵan Barnabas, amo naḵasossongbatda ḵan dida. Pun siya dinutuḵanda da Paul ḵan Barnabas ya da udume namati'ḵ umoy ad Jerusalem maḵaugud atta apostol ya da angipangpangu'tta namati atte mipanggob si sadi ye tuttudu.

Acts 23:9

Pun amod pagay omoḻda. Da udume Pharisee ye mimistulun ni lintog, summiḵadda ta ipatutda ḵasomsomḵanda. Ḵananda, “Ippun paat indasanni'ḵ lawweng ni annae tagu. Naḵaugud nin anghel baḵon nu ispiritu ḵan siya.”

Acts 7:26

Mabigat ḵad os ummoyna binisita dida woḵ indasana da duwae ganaḵ Israel we ampatoy woḵ pinadasna binoḻdaḵ dida woḵ ḵanana, ‘Susunudḵu we ganaḵ Israel, adiyupun ḵamman igammu we ansusunud ḵayu, ngaipa ḵayu ampapatoy?’

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

2 Corinthians 10:4

Te sa armase usaronni daḵampun aḵ naḻpu'tte ḵabooḻan ni long-agni yaḵon naḻpu'tte ḵabooḻan Apudyus we usaronni ye amaginoḵ atta ḵinalaing da nalainge an-ugud.

2 Corinthians 6:4

Ḵad da losane ḵoonni, ipailani ye anserbi ḵani ḵan Apudyus te at-attomanni da amode maal-alimuunanni ḵan adu we ampaḵaḻamanni ya da losane ampaḵimute naḵwa ḵan diḵani.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Ephesians 4:2

Patilayun oḵyane napakumbaba ḵayu, naanus ḵayu ya an-anggom ḵayu'tta buḻunyu we mipagapu si ayat.

Philippians 2:14

Da losane ḵoonyu, adi ḵayu ngumonot ḵan maḵasossongbat,

Philippians 2:3

Sa panggobyu oḵyane angwa'tta ngaiman, daḵampun oḵyan atte maḵaas-asselanyu ya mitaḻayaganyu yaḵon siya oḵyan ḵoonyu ipakumbabayu da somsomoḵyu ta ibelangyu we nangatu da buḻunyu nu da long-agyu.

Colossians 3:13

Anusanyu oḵyan pakawanon da buḻunyu, nu awad ansosongbatanyu baḵon nu maḵabasuḻ osae tagu ḵan diḵayu, pakawanonyu we isun ni inon Apu we namakawan ḵan diḵayu.

1 Thessalonians 2:7

Yaḵon an-anggom ḵani si timpu we inninggawanni ḵan diḵayu we isun ni inae angayyuwan atta abengna.

1 Timothy 6:11

Yaḵon siḵae osae tagun Apudyus, ḵasapuḻane an-awidam da sana ya iggam ḵabooḻame angunud si ustu ḵan naapudyusane biyag. Ḵad papigsaom pammatim ḵan Apudyus, sa ayatnu, sa ḵinaanusnu ya sa an-ammaye biyag atta asintatagum.

Titus 1:1

Saḵon aḵ Paul we dinutuḵan Apudyus aḵ anserbi ḵan siya ya osa'tta apostol Jesu Kristu. Imbuunaḵ aḵ umoy amapigsa'tta pammatin da tagu we pinilin Apudyus. Ipaigammuḵ os ḵatuttuwaane naḻpu ḵan siyae mituttuwa naapudyusane antataguda.

Titus 1:7

Sa gapuna oḵyane ambaḻu ugalina ippun mipabasuḻ ḵan siya. Siya angipangpangu'tte gimunge nitaḻgodan ni ḵewaaḻ Apudyus. Pun ḵasapuḻane adi ampasindayaw, adi allasu sumang-ana ya adi pasig mabartek. Adipun oḵyan os gumuggulu ya adipun ḵamommod atte pilaḵ.

Titus 1:9

Sa mipanggob si pammatina, ḵasapuḻane gogomgomana da ḵatuttuwaane nagangput nituttudu ḵan siya ta lamogna ituttudu ustuustu we tuttudu'tta buḻunna ya soḻgagona didae angunud ḵan suppaḵana da sumullagi si ḵatuttuwaan.

Titus 3:2

Adida oḵyan an-ugud aḵ lawweng atte mipanggob atta ngaiman ḵad adida oḵyan sumubog yaḵon naanusda oḵyan ya pasigda patgan da losane tagu.

James 1:1

Kumusta ḵayu? Saḵon aḵ James we sammilun Apudyus ya aḵ Apu Jesu Kristu. Annaya suḻatḵu'tta Judyu we namati ye naas-asipaḻaḵ atta udume ili.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

James 4:2

Awad da amaamayonyu aḻane adiḵayupun maḵaaḻa, pun siya gumongatanyu. Pionyu ḵuwaon da ḵuḵuwan da udum yaḵon adiḵayupun maḵaaḻa, pun siya ampapatoyanyu ḵan ansusuboganyu. Naippun ḵan diḵayu da pionyu te adiyupun ḵodawon ḵan Apudyus.

1 Peter 3:8

Annaya mungimung ni ibagabagaḵ. Ḵasapuḻane an-os-ossaan ḵayu losan atte somsomoḵ ḵan maḵagiḵna ḵayu'tta buḻunyu. An-asiayat ḵayu we isun di mismu we ansusunud, an-asiḵadagu ḵayu ya ipakumbabayu da long-agyu.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.